Jns. 3
3
Níniwinmaya̱ aents enentáimpramu
1Nuyá̱ Uunt Yus ataksha Junasan chicharuk 2“Uunt pepru Níniwiniam wetá. Túram nuyá̱ aents Wi títiatjamna nú chicham etseruuta” tímiayi. 3Tutai Junassha Uunt Yus akupkámia nuna umirak Níniwi péprunam wémiayi. Níniwisha ti uunt pepru asamtai menaintiú tsawant wekasar téntakminiuyayi. 4Tura Junassha nui̱ jeá emka tsawant wekas étseruk “Uunt Yus chichaak ‘Ju̱ya̱ṉka kuaraintia tsawant jeamtai Níniwi péprunka emesrattajai’ tawai” tímiayi.
5Nuna antukar nu péprunmaya̱ ashí shuar úuntnumia̱ juárkiar uchichimiak Yus nekas túrattawai tusar ni tunaari̱n nekaamawar ti kúntuts enentáimprar ijiarmáwar suí̱r pushin entsararmiayi. 6Núnisaṉ Níniwi pepru akupniuri̱sha nu chichaman antuk niṉki enentáimtumas akupin pujutái̱nmaya̱ akaikí̱ entsatái̱ri̱ncha áimiar suí̱r pushin entsar yuṉkunim ajaptai̱niam pujusmiayi. 7Kame akupniúka tura peṉkeri̱ armia nuja̱i̱ Níniwiniam chichaman akupénak “Ashí aentstiram ijiarmátarum. Núnisaṉ atumí waakari̱sha murikrísha ayurawairap tura entsaksha áarairap. 8Túrarum ashí aentstiram suí̱r pushí entsarum núnisaṉ atumí taṉkuri̱sha nukukrum aṉkant aṉkant átum yajauch túrarmena nuka iniaisarum nekas enentáiji̱a̱i̱ Yus seatarum. 9Kame ¿ya neka? Nu túrawakrinkia Yus atak enentáimiar ti kajertamkamun tsaṉkurtámpraṉka amutmakchaintiajti” tiármiayi.
10Nui̱ṉkia Níniwinmaya̱ aents ni tunaari̱n enentáimtusar túrunawarmia nuna Yus wainiak asutiáwartatjai timia núnaka túrachmiayi.
Currently Selected:
Jns. 3: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
