Isa. 7
7
Akaas chícham akuptúkma
1Kame Usíasa uchirí̱ Jutam tura Jutama uchirí̱ Akaas Jutá nuṉkanam úunt akupin pujumiayi. Núnisaṉ Siria nuṉkanam úunt akupin Resen tura Israer shuara akupniúri̱ Remaríasa uchirí̱ Píkiaja̱i̱ iruntrar Jerusaréṉ pépruja̱i̱ mániatai tusar káutkarmiayi túrasha nupetkacharmiayi. 2Nuya̱ṉka Tawitia shuari̱n ujainiak Sírianmaya̱ aents Eprain shuarnum kaunak matsamkarai. Tuíniakui nase ti kakaram umpuam numi katuiniana núnis úunt akupniusha ní shuari̱ji̱a̱i̱ sapijmiainiak kurainiarmiayi. 3Nuya̱ṉka Uunt Yus Isayasan chicharuk “Yamaikia ame uchiram Searjasúpja̱i̱ weme entsa pajamtai náṉkatkamunmaani̱ nijiamatai̱ kampuntin jintianmaani̱ weme Akaas iṉkiuṉkam 4chicharkum ‘Anearta túram ii awajtia. Resenka tura Sírianmaya̱ nuyá̱ Remaríasa uchirí̱ ni kajenamuri̱ jimiará ji mukuintia nu ashamakum kakarmachu ajasaip. 5Warí Sírianmaya̱ aentssha Eprain shuarja̱i̱ tura Remaríasa uchirí̱ji̱a̱i̱ iruntrar yajauch awajtámsatai tusar chichaman júsar chichainiak 6“Wátskea Jutá meset pachitkiar sapijmiamtikiarar kayá tanishri̱ táumprar ashí utsantuar akintrukar Tawiira uchirí̱ úunt akupin anaikiatai” tuíniawai. 7Túrasha Uunt Yus chichaak “Nuka nuni̱ṉkia túrunashtatui. 8Warí Siria uunt pépruri̱ṉkia Tamaskuiti tura Tamasku úuntri̱ṉkia Resenaiti. Tura sasaintiséṉku uwitinkia Eprainkia ashí amukma asa pépruka atsuttawai. 9Nuja̱i̱ métek Eprainkia uunt pépruri̱ṉkia Samariaiti tura Samaria úuntri̱ṉkia Remaríasa uchirí̱nti. Tura átum nekas enentáimtachkurmeka ti nekas emetnarum pujuschattarme”’” Uunt Yus tíniuiti.
10Tura nu arant Uunt Yus Akaasnasha chicharuk 11“Uunt Yus ame Yúsrum nayaimpinmaya̱ nuíchuka nuṉkaya̱ncha aents túrachminia nuna túrat tusam seatá.” 12Tutai Akaas aya̱k “Uunt Yusan seashtatjai tura nekapsancha íischattajai” tímiayi. 13Nuiṉkia Isayas chichaak “Yamaikia Tawitia shuari̱ya̱ antuktarum. Aentsush umiriachkuram ákajearmena nútiksarmek winia Yúsrusha umiriachkuram ¿ákajeatsrumek? 14Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34 15Nú uchikia yajauch nakitratniun tura péṉker túratniun nekaamam muntsu kutamámun míshkiji̱a̱i̱ yuáttawai. 16Ti nekas nú uchikia yajauch nakitratniun tura péṉker túratniun nekaamam ju̱ jimiará úunt akupin ame ashamamna ju̱na nuṉke̱ṉka ajapa ikiukmia ártatui. 17Nuiṉkia Uunt Yus amincha amé shuarnasha tura ame apá shuari̱ncha Eprain Jutanmaya̱ kanakmia nú tsawantnumia̱ yamaiya̱ ju̱i̱sha peṉké wáinkiachuitrumna nuna naṉkaamas wáitkiarmastinian Uunt Yus Asiria úunt akupniuri̱n akuptúrmaktatui” tímiayi. 18-20Tura nu tsawantai̱kia Ejiptunmaya̱ ka̱a̱pen tura Asirianmaya̱ kajen chinin ikiaatak Israer shuaran asutiáttana nuna ujawai. Nuya̱ṉka Asirianmaya̱ akupniun itiari intiashí̱ncha tura aya̱shniumia̱ ure̱ncha nuyá̱ susurí̱ncha kesá kesatú awajsattana núnis Uunt Yus nunasha ujawai. 21-22Nu tsawantinkia chikichik shuarak waakan chikichkiniak tura jimiará murikiun tsakatmartatui túrasha muntsu ti akui muntsu kantékún yútatui. 23-25Núnisaṉ uwa aja mir kuit jeá ajamkamaitiat aya jáṉkik tura nárak wáinkiartatui. Túruna aya e̱a̱mkattsa wekatai̱ ajastatui. Núnisaṉ naint arakma yaunchu iruniarmia nui̱ṉkia ishichik aents aa asamtai aya waaka tura murik yurumtai̱ ajasártatui.
©2009 Avant Ministries in cooperation with Wycliffe Bible Translators, Inc. All rights reserved.