TOMAHA NINUNI 1
1
Na tomaha ninuni
1Igê na tangiana hagenago na ruata na hageha igê na ruata na harisi i murina na Isiraelita ga hura pania i Esipito, na Araha ki tamasi tanga o Moise igê na ruma na gahu apuna, matena ga oga igê na bagamasusu raha i Sinai. 2Ngaia ki vi: “Igamurua o Aroni mego, muru tomanira na Isiraelita, vi gi hita surigi na varo ninuni, na hagosi ninuni ma na ahemata iata. Muru segegi so na atata na ara ni mane hato, 3ga tonga na tangahuri harisi gi rua iata se ga teha râ ma ka arari viga mane ni me. 4Muru nungia na bêna na ara ni varo ninuni, hanana ga tamanigamurua.” 5-16Na mane na bêni na varo ninuni iata, garu atera tenia na hakuta ni nuni tanga na tagaraha ngekana kani igê:
| -tenia na varo ninuni iana o Rubeni: | o Elisure karena o Seteure |
|---|---|
| -tenia na varo ninuni iana o Simeone: | o Selumiele karena o Surisatai |
| -tenia na varo ninuni iana o Juta: | o Nagasone karena o Aminataba |
| -tenia na varo ninuni iana o Isakare: | o Netanele karena o Suare |
| -tenia na varo ninuni iana o Sebuluni: | o Eliaba karena o Gelone |
| -tenia na varo ninuni iana o Eparaimi: | o Elisama karena o Amihuti |
| -tenia na varo ninuni iana o Manase: | o Gamaliele karena o Petasure |
| -tenia na varo ninuni iana o Benamino: | o Abitane karena o Gitone |
| -tenia na varo ninuni iana o Tane: | o Agiesere karena o Amisatai |
| -tenia na varo ninuni iana o Asere: | o Pagiele karena o Okarane |
| -tenia na varo ninuni iana o Gata: | o Eliasapa karena o Teuele |
| -tenia na varo ninuni iana o Napatali: | o Agira karena o Enane. |
17Na mane tangahuru matarerua ngegana kaniga tamanirerua o Moise mo Aroni, 18karu unihakura me na ara ni Isiraelita hato igê na tangiana hagenago na ruata na hageha ma karu segera so, vi gi hita surigi na varo ninuni, na hagosi ninuni ma na ahemata iata. Ngaira ka segegi so na atata na ara ni mane hato, ga tonga na harisi tangahuru gi rua iata se i teha râ ma ka tomanira, 19suria na bonasiha iana na Araha. Igê na bagamasusu raha i Sinai o Moise ki segera so igê na enoni.
20-46Ngaira ka segegi so na atata na mane ga tonga na harisi tangahuru gi rua iata se i teha râ ma ka arari viga mane ni me. Ngaira ka segegi so surigi na varo ninuni, na hagosi ninuni ma na ahemata iata, haganega tenia na varo ninuni iana o Rubeni, na bêbê ni kare iana o Jakobo. Ngaigi haku hegitigi kani igê:
| tenia na varo ninuni iana o Rubeni | 46, 500 |
|---|---|
| tenia na varo ninuni iana o Simeone | 59, 300 |
| tenia na varo ninuni iana o Gata | 45, 650 |
| tenia na varo ninuni iana o Juta | 74, 600 |
| tenia na varo ninuni iana o Isakare | 54, 400 |
| tenia na varo ninuni iana o Sebuluni | 57, 400 |
| tenia na varo ninuni iana o Eparaimi | 40, 500 |
| tenia na varo ninuni iana o Manase | 32, 200 |
| tenia na varo ninuni iana o Benamino | 35, 400 |
| tenia na varo ninuni iana o Tane | 62, 700 |
| tenia na varo ninuni iana o Asere | 41, 500 |
| tenia na varo ninuni iana o Napatali | 53, 400 |
| Ngaira hato ka vora | 603, 550 |
47Na raraha iana o Levi ka pe tomanira banu, 48suria na Araha ki bani vi tanga o Moise, ki vi: 49“Matena go tomanira na mane ga arari viga mane ni me, siana ko tomanira banu na mane na raraha iana o Levi. 50Go nakara hete ka bâbâsuria na ruma na gahu apuna iaku henigi na ara ni marâ hato igê. Ngaira ka torea nga henigi na marâ hato igê, ka tagara igê ma ka taunga rihia. 51I na ara ni mateni go ragea igê na tênga, na mane na raraha iana o Levi kaniga hogea nga na ruma na gahu apuna ma ka hagêrasia aporo igê na agua haoru tanga na tênga. Na anima na enoni getea i arâ me hagarangia na ruma na gahu apuna, ka nahuia nga ki meme. 52-53Na mane na raraha iana o Levi ka hagêrasigi na ruma na gahu iata rihia na ruma na gahu apuna, hanana ga anumasia, hanana siana ta na enoni i apu tanga vige arâ me hagarangia, ke râ me hagarangia, i era ma ki hagamangariê kê hagaitangira na Isiraelita hato. Na Isiraelita getera ka hagêrasigi na ruma na gahu iata na anie mage hakuhaku henia na gahu na girarata hehegitigi.” 54Hoita, na Isiraelita ka arâ suria maninga na bonasiha iana na Araha tanga o Moise.
Currently Selected:
TOMAHA NINUNI 1: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific