TOMAHA NINUNI 2
2
Na hagahatoana na tênga
1Na Araha ki vatererua o Moise mo Aroni renigi na ramata igê. 2Matena na Isiraelita ka tênga, ngaira ka hagêrasigi nga na ruma na gahu iata na anie mage hakuhaku henia na gahu na girarata hehegitigi surigi na varo ninuni iata. Ngaira ka tênga nga rihia na ruma na gahu apuna.
3-9I na apanena bêkê na ruma na gahu apuna ka na gahu na girarata na apaneni me hegitigi iana o Juta. I ngekana na varo ninuni igê ka hagêrasigi na ruma na gahu iata na anie mage hakuhaku i ruguhata hehegitigi na mane ga bêngenira:
| tenia na varo ninuni iana o Juta: | 74, 600 | i ruguhana o Nagasone karena o Aminataba |
|---|---|---|
| tenia na varo ninuni iana o Isakare: | 54, 400 | i ruguhana o Netanele karena o Suare |
| tenia na varo ninuni iana o Sebuluni: | 57, 400 | i ruguhana o Eliaba karena o Gelone |
| Ngaira hato ka vora na | 186, 400. |
Na varo ninuni ngegana na apaneni me iana o Juta, ka tavotavo uga nga hagenago, matena ga raragea na tênga.
10-16I na apanena na ruma na gahu apuna bê râ i mahata na apaneni me iana o Juta ka na gahu na girarata na apaneni me iana o Rubeni. I ngekana na varo ninuni igê ka hagêrasigi na ruma na gahu iata na anie mage hakuhaku i ruguhata hehegitigi na mane ga bêngenira:
| tenia na varo ninuni iana o Rubeni; | 46, 500 | i ruguhana o Elisure karena o Setuere |
|---|---|---|
| tenia na varo ninuni iana o Simeone: | 59, 300 | i ruguhana o Selumiele karena o Surisatai |
| tenia na varo ninuni iana o Gata: | 45, 650 | i ruguhana o Eliasapa karena o Teuele. |
| Ngaira hato ka vora | 151, 450. |
Na varo ninuni ngegana, na apaneni me iana o Rubeni ka tavotavo uga nga na ruata, matena ga raragea na tênga.
17Hemuri, i berarogata na apaneni me gi rua garu hagenago ma na ani garu hagemuri, ka tavotavo uga nga na raraha iana o Levi, ga torea na ruma na gahu apuna. Na anie na apaneni me iata mage tavotavo uga henigi na gahu na girarata hehegitigi manga ga ura harahara na ruma na gahu iata igê na tênga.
18-24I na apanena bêso na ruma na gahu apuna ka na gahu na girarata na apaneni me iana o Eparaimi. I ngekana na varo ninuni igê ka hagêrasigi na ruma na gahu iata, na anie mage hakuhaku i ruguhata hehegitigi na mane ga bêngengira:
| tenia na varo ninuni iana o Eparaimi: | 40, 500 | i ruguhana o Elisama karena o Amihuti |
|---|---|---|
| tenia na varo ninuni iana o Manase: | 32, 200 | i ruguhana o Gamaliele karena o Petasure |
| tenia na varo ninuni iana o Benamino: | 35, 400 | i ruguhana o Abitane karena o Gitoni |
Ngaira hato ka vora 108, 100. Na varo ninuni ngegana na apaneni me iana o Eparaimi ka tavotavo uga nga na oruta matena ga raragea na tênga.
25-31I na apanena na ruma na gahu apuna bêrâ i mahata na apaneni me iana o Eparaimi ka na gahu na girarata na apaneni me iana o Tane. I ngekana na varo ninuni igê ka hagêrasigi na ruma na gahu iata na anie mage hakuhaku i ruguhata hehegitgi na mane ga bêngenira:
| tenia na varo ninuni iana o Tane: | 62, 700 | i ruguhana o Agiesere karena o Amisataia |
|---|---|---|
| tenia na varo ninuni iana o Asere: | 41, 500 | i ruguhana o Pagiele karena o Okarane |
| tenia na varo ninuni iana o Napatali: | 53, 400 | i ruguhana o Agira karena o Enane. |
| Ngaira hato ka vora | 157, 600. |
Na varo ninuni ngegana na apaneni me iana o Tane ka tavotavo uga nga hagemuri.
32Ngaira hato haku na Isiraelita na apaneni me hehegitigi surigi na varo ninuni ma na hagosi ninuni iata ka vora 603,550. 33Ngaira ka pe tomanira banu na raraha iana o Levi henira na tamata na Isiraelita, manga na Araha i bonasia o Moise. 34Hoita na Isiraelita ka râ suria nga na bonasiha iana na Araha tanga o Moise. Ngaira ka tênga na anie ma na anie henigi na gahu na girarata hehegitigi, ma ka tavo uga vikana nikâ surigi na hagosi ninuni ma na ahemata iata.
Currently Selected:
TOMAHA NINUNI 2: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific