SAKARIA 5
5
Na onota na maruteha: na ahana na pepa i aheahe
1Inê kê ahaukê nikâ, ma kê rigia na ahana na pepa i aheahe. 2Na angero ki hagateê, ki vi: “Na ta ko bâsia?” Inê kê arami, kê vi: “Na ahana na pepa i aheahe. Na borahusina ki 10 mita, ma na aberaberagana ki tangahe rua ma na unumigana.”
3Ma ngaia ki vi tangê, ki vi: “Na pepa ngekê ki arâ surigi na ara ni ruma hato igê na agua, ma ka bani segea igê na hagaitangiha. Igê ta na apanena na pepa ki oga igê na hagaitangiha tangara na enoni, ga hanago: ga page paira hura tenia na agua. Ma igê ta apanena ki oga igê na hagaitangiha tangara na enoni, ga tohe vero: ga page paira hura nogata tenia na agua. 4Na Araha raramohaga hunia ki vi, vi ngaia ki page hagatorangenia banu na hagaitangiha ngekê surigi na ara ni ruma iata na enoni, ga hanago, se ga toheohe vero. Na hagaitangiha ngekê ki page tarahugi na ruma iata, ka aruhuruhu.”
Na pita na maruteha: na gete i rarona na guegue
5Na angero ki vora me tangê nikâ, ma ki vi: “Bâ! Ta na marâ i arâ me!” 6Inê kê hagatea, kê vi: “Na tao?” Ngaia ki arami, ki vi: “Na guegue. Na girarana vi na eraha igê na agua hagenani.”
7Na guegue ki tonga na songona, ga tagarahia renia na marâ manga na aeani, ma ki higa teharia na aeani. Matena gê boretenia, na songona ki ahagaga akê, ma i rarona na guegue, oi, inê kê bâsia na gete!
8Na angero ki vi: “Na gete ngekê nga ka na eraha.” Ma ngaia ki burungia aporo so igê na guegue ma ki songoa aporo renia na songona. 9Inê kê ahaukê, ma kê bâsirerua na hehene gi rua, garu gaha me tangê. Na gagahaterua ka ramo teha, manga na gagahana na bagamanu raha. Ngairerua karu ragea na guegue ma karu megaha.
10Inê kê hagatea na angero, kê vi: “Garu torea tanga i he?” 11Ngaia ki arami, ki vi: “Tanga i Babilonia. Ma i ngekana ka page torea igê na ruma ni vogasiha. Matena i hatohato na ruma ni vogasiha, ka page naka na guegue igê, hanana ga vogasia.”
Currently Selected:
SAKARIA 5: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
