KI 92
92
Hagarahasia God#Na ki. Na ki tanga na Tangiana ni Mamaroha.
1I arari ngavê, mi visigo koro, Araha,
ma kami ki kami hagarahasigo,
God Araha teha.
2I arari ngavê, mi tarohenia na takuiha tarema iamu
i na ara ni mavoraro.
I arari ngavê, mi tarohenia na totosuriha iamu
i na ara ni manurahi.
3I arari ngavê, mi visigo raha,
matena mi tarugigi na gita ma na ukalele.
4Araha, na tagaraha raha iamu ka hagakoro obaku.
Inê kê kiki vagevage renigi na tauhamu.
5Araha, na tauhamu ka bagararaha teha.
Na takoha iamu ka mataha teha ngavê.
6Na enoni, ga bonobonoga ma ka bagatatako,
ki asa, vige rongogirara na tarana ngekê.
7Vari na enoni era ka mauri ramo mangagi na rauga,
ma na enoni na bagatarihata ka nahunia na ramana.
He naka i manga ngekana,
ma igo, God, ko page hagaerasira hagetage ngavê,
8suria igo ko Araha teha tare ma tarema.
9Igami kami bani girara, vi na merongamu ka page meme.
Ma na enoni era hato ka page votavota, Araha.
10Igo ko bani hagaramoniê, manga na puruka vasiga,
ma ko bani hagakoro obaku.
11Inê kê bani bâsira na merongaku, ga votavota,
ma kê bani rongora na enoni era, ga angiangi.
12Na enoni, ga tê viteana na Araha,
ka page mauri koro,
mangagi na ao se na apinige raha i Libanone.
13Ngaira ka mangagi na apinige,
ga bani hasigi i ruma iana na Araha
ma ka akê bâkoro i Ruma ni Rotu iana God iaka.
14Ngaigi ki hunguhungu tare, ki bê ki arâ,
ma ka maravarava ma ka ramoramo tare.
15Na tarana ngekê ki hagabângenia,
vi na Araha ki oto na tauhana.
I asa hagetage, vige pe oto na parongana.
Ngaia ki anumasiê.
Currently Selected:
KI 92: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
