KI 88
88
Na hagagegeha#Na ki iata na raraha iana o Kora. Na vivita iana o Hemani ni Eseraga.
1Araha God, hagamauri iaku,
inê kê avarasigo
i na arani tangiani ma na bungiani.
2Gu aganaria na nunginungi iaku,
ma ku karinga na avarasiha iaku.
3Inê kê haga ni me nga,
suria gê anumanuma teha.
4Inê kê mangara na enoni, ga raparapa.
I mangusi na apeku,
ma ki asa be tahi.
5Na enoni ka rumakaka reniê,
manga vi inê kê bani me noga.
Inê kê manga na enoni, i me igê na hearihatana,
ma ka bani bagia noga.
Inê kê mangara na enoni, ga hitenira ngavê,
ma ki asa iamu, vigu tamanira.
6Igo ko bani kasiê vato
i na agua, ga oga igê na enoni ga me,
igê na kiru na roto hono.
7Na mangariaganiha iamu ki hagahigeê
ma ki rubungiê manga na asi.
8Igo ko bani katora na tamaku, ka paniê,
ma ka makimaki teniê.
Na anumanumaha ka bani purusiê,
ma ki bara ve gava.
9Na maaku karu pungu renigi na mamasiaganiha.
Araha, inê kê avarasigo i na ara ni tangiani,
ma kê nungigo, ko tamaniê.
10Igo vari ko katogi na mena tangara na enoni, ga me hunu?
Ngaira ka aharaga vari, ka hagarahasigo?
11Na enoni i na matahu ka tamasigo vari,
vigo takuira tarema?
Na enoni i na kiru ni kakaganiha ka tamasigo vari,
vigo hagamonarigi tare na suruha iamu?
12Na enoni i na agua ngekana i na roto hono
ngaira ka bâsigi vari na mena iamu?
Na enoni i na agua ni hitenga
ka takusia vari na korohamu?
13Araha, inê kê avarasigo.
I na ara ni mavoraro inê kê nungigo.
14Renia ta ko usiteniê, Araha?
Renia ta ko murisigeê?
15Tenia na matena gê sisite,
inê kê tâ tete
ma kê hatamigi na mamasiaganiha.
Inê kê mangusi bâraha,
suria na hagaitangiha iamu ka higeê.
16Na mangariaganiha raha iamu ki rubungiê.
Na hagaitangiha iamu ka erasiê bâraha.
17Ngaigi ka susu heniê manga na maganuha
ma ka koromeniê.
18Na tamaku koro nikâ
igo ko bani katora, ka paniê,
nga noga ma na roto hono ki na tamaku.
Currently Selected:
KI 88: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
