KI 60
60
Na nungi ni tahinga#Na ki iana o Tavite renia na matena i meraheariha na Arameo i Naharaimi me Soba, ma renia o Joaba, i nahuira na rehagaro tangahuru matarerua na me ni Etome i marungana i Suko, matena i aporo me. #
1God, igo ko bani kasi renigami
ma ko bani hagavotarigami.
Igo ko bani mangariaga tangagami,
ma i ngekê gu têgami aporo.
2Igo ko bani katoa, ki angingi na mako ma ki avagavaga.
Ma i ngekê gu hagatotoa aporo,
suria i agorata noga.
3Igo ko bani hagamamasiagara bâraha na kariamu.
Igami kami tariahehu,
manga ka aripo na mamaami renia na tonoha.
4Igo ko bani kanukanura na enoni, ga hagahigasigo,
hanana ga tahitahi tenia na hearihatana.
5Gu hagatahigami renia na raramohamu raha.
Gu aganarigi na nunginungi iamami,
hanana na kariamu hetakui ka tahitahi.
6I Ruma ni Rotu God ki bani tamasi, ki vivi:
“Inê kê teha, ma be tonganira na kariaku
renirerua i Sekemi ma na marugana i Suko.
7Gileata ma Manase ka na aniku.
Eperemo ki manga na bêata iaku,
ma Juta ki na raramohaku.
8Moaba ki manga na apira ni tanani rima iaku.
Inê kê barutukia Etome,
suria ki na aniku.
Inê kê ngirira na ai ni Pilisitina,
suria gê teharira.”
9God, ti ki page bêngeniê tanga na hinua raha,
ga rihia renia na panga raha nganganihaga?
Ti ki page bêngeniê tanga i Etome?
10Monari, vi igo ko bani kasi renigami vari?
Igo ko pe tage râ vari
henira na ruruha na mane ni me iamami?
11God, gu tamanigami tenira na merongamami,
suria na enoni ki pe araria,
vige tamanigami.
12Manga igo, God, ma ko tamanigami,
igami kami page tehateha,
ma igo ko page teharira na merongamami.
Currently Selected:
KI 60: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
