KI 59
59
Na nungi ni anumasiha#Na ki iana o Tavite, i murina o saulo i hagatorangenira na mane, ka rihia na ruma iana o Tavite, hanana ga gamorahia, viga nahuia. #
1God iaku, gu hagatahiê tenira na merongaku.
Gu anumasiê tenira na enoni, ga gamorahiê.
2Gu hagatahiê tenira na manero ngegana.
Gu hagatahiê tenira na mane nahu enoni ngegana.
3Bâ, ngaira ka gamorahiê, hanana viga nahuiê.
Na mane ramo ka haku me ka rapasiê.
4Araha, ngaira ka hata ni nanê kariê,
mareha vi suria inê kê tasi,
se ve katoa ta na marâ, i era se pe oto.
5Garigari, Araha God raramohaga hunigo.
God, ga rahesigo na Isiraelita, gu tamaniê,
suria igo ko bani girara.
U râ ku hagaitangira na enoni, ga pe rahesigo.
Siana ko takotako herua renira na manero,
ga katogi na eratana.
6Ngaira ka aporo me i manurahi.
Ngaira ka hagahoto i hinua raha,
manga na totoha ni o, ga ngerengere ma ka angiangi.
7Bâ, ngaira ka guhaguha ma ka hagamakuku.
Na meata ka mangagi na gira.
Ma ngaira ka vi ma, vi mareha ta na enoni,
vige rongora.
8Araha, igo ko mamana tenira.
Igo ko kitakitara na enoni, ga pe rahesigo.
9Inê kê raruni togo renia na raramohamu.
God igo ki na tahingaku.
10God iaku, igo ko takuiê, ma ko page tamaniê.
Igo ko page katoê, kê teharira na merongaku.
11God, siana ko nahuira nga ka meme,
hanana siana na kariaku ka bonotenia
na hetamaniha iamu tangê.
Araha, gu tokorenira renia na raramohamu,
ma ku teharira, suria go anumasigami.
12Na harata ka pe rongo koro.
Ngaira ka hara era ma ka hara roro.
Gu katora, ka sutasuta
igê na paroparoha iata mareta.
13Gu mangariaga tangara ma ku nahuira ngavê,
suria ngaira ka guhaguha ma ka hagaparu tare.
Igê na tarana ngekê na enoni hato ka page girara,
vi igo, God, ko marungia i Isiraele,
ma i maveta hagenani nikâ.
14Na merongaku ka aporo me i manurahi.
Ngaira ka hagahoto i hinua raha,
manga na totoha ni o, ga ngerengere ma ka angiangi.
15Ngaira ka mangara na o, ga garigari ngêra.
Ngaira ka ngurunguru, manga ga pe masumasu.
16Inê be kiria na raramohamu raha.
I na ara ni mavoraro inê be kiria raha
na takuiha iamu, i mareha ge hatohato.
Igo ko bani anumasiê tenigi na bagabevoani.
Igo ki na ruma nganganihaga, gê rukuruku igê.
17Igo, God na raramohaku, inê be hagarahasigo,
suria igo ki na tahingaku,
ma ko takuiê tare ma tarema.
Currently Selected:
KI 59: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
