KI 34
34
Ka visia raha God renia na korohana#Na ki iana o Tavite. O Tavite ki oga i pasina o Abimeleki, ma ki hagaparu, vi beka. O Abimeleki ki paia hura, mo Tavite ki gava pania. #
1Inê be visia koro na Araha tare ma tarema.
Inê be visia raha, ki bê ki arâ.
2Inê be ageage renia na Araha,
hanana na enoni, ga hatamigi na mamasiaganiha,
ka rongoa ma ka vagevage renia.
3Igia haku ka hagarahasia na Araha,
ma ka kasia akê, ki rongo raha na atana.
4Inê kê avarasia na Araha,
ma ngaia ki aganariê.
Ngaia ki hatungigi teniê
na ara ni maguha iaku.
5Igamu na enoni mu hatamigi na mamasiaganiha,
mu raruni togo renia na Araha,
ma kamu vagevage.
Suria i asa, vigamu maki
ma kamu raruni suka renia.
6Na enoni matareha ka avarasia na Araha,
ma ngaia ki aganarira,
ma ki hagatahira tenigi na mamasiaganiha hato iata.
7Na enoni, ga hanetasia na Araha,
na angero iana ki anumasira,
ma ki hagatahira tenigi na mamasiaganiha.
8Mu hakunia na Araha,#1 P 2.3
ma kamu page girara,
vi ngaia ki koro teha.
Ga babarisi na enoni,
ga ahiahi i pasina.
9Igamu hato na kariana na Araha, mu hanetasia,
suria na enoni, ga tê viteana,
ka pe bagubaguruga.
10Na o vasiga ka magê,
suria i marehasira na ngêra.
Ma na enoni, ga tê viteana na Araha,
ki pe marehasira ta na marâ koro.
11Igamu na bagenuni, mu karingê.
Inê be hagesurigamu,
hanana mu hanitasia na Araha.
12Mu obania vari, vigamu vagevagesia na ogaha?#1 P 10-12
Mu obania vari, vigamu mauri arihu,
ma kamu vagevage?
13Vikê siana kamu tamasi erasira na enoni,
ma siana kamu hagaparu.
14Mu murisigea na eraha,
ma kamu aharia na koroha.
Mu tagara tanga na marapeha
i mêrihami hagenani.
15Na Araha ki marupera na enoni, ga tê viteana,
ma ki aganarigi na avarasiha iata.
16Na Araha ki urapusira na enoni, ga tanu era,
ma ki mareha ngavê ta na enoni i maveta,
vige page takusira nikâ.
17Na enoni, ga koro ma ka oto,
ka avarasia na Araha.
Ngaia ki aganarigi na avarasiha iata,
ma ki hagatahira
tenigi na mamasiaganiha hato iata.
18Na Araha ki tamanira na enoni, ga mameaga,
ma ki hagatahira na ani ga raruni era.
19Na enoni matarotaro ka hatamigi rako na mamasiaganiha,
ma na Araha ki hagatahira tenigi hato.
20Na Araha ki marupera bâkoro era,#Jn 19.36
ma ngaira ka komaga ngavê.
21Na eraha ki page nahuira ngavê na enoni,
ga erataga.
Na hagaitangiha ki page tarahura na enoni,
ga kikitenira na ani ga matarotaro.
22Na Araha ki page hagatahira na kariana,
ma ki page surira oto na enoni,
ga gavagava vê i pasina.
Currently Selected:
KI 34: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
