KI 24
24
Na Araha ki marungia na maveta#Na ki iana o Tavite.
1Na Araha ki nahunigi na maveta#1 Co 10.26
ma na ara ni marâ hato igê.
Na ano ma na marâ hato, ga mauri igê,
ki na anina na Araha.
2Ngaia ki naka na maveta,
ki nganganihaga igê na asi
igê na matava tara.
3Ti ki arari tanga,
vi akê igê na hungana iana na Araha?
Ti ki arari tanga,
vi bêbanu i ruma apuna iana?
4Ngaira ma ka matarotaro,#Mt 5.8.
ma ka paronga koro ma oto.
Ngaira ma ka pe hagarapera na ataro,
ma ka pe tohetohe vero.
5Na Araha, na hagamauri,
ki page korokoro tangara.
Ngaia ki page visira,
viga matarotaro i maana.
6Na enoni ngegana ka garia na Araha,
ma ka banu i maana God,
o Jakobo ki rahesia.
7Igamu na maa ni ruma,
igamu na maa ni ruma ni rotu,
mu tahataha.
Suria na maneraha, i bâ hahanetaga,
ki bêbanu vê.
8Ti ki na maneraha,
i bâ hahanetaga?
Ngaia ki na Araha raramohaga hunia,
na Araha, i tehateha i na henahuita.
9Igamu na maa ni ruma,
igamu na maa ni ruma ni rotu,
mu tahataha.
Suria na maneraha, i bâ hahanetaga,
ki bêbanu vê.
10Ti ki na maneraha,
i bâ hahanetaga?
Na Araha raramohaga hunia, i tehateha,
ngaia ki na maneraha,
i bâ hahanetaga.
Currently Selected:
KI 24: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
