KI 118
118
Visia koro God renia na hetamaniha iana
1Visia koro na Araha, suria ngaia ki koro,#1 Ch 16.34; 2Ch 5.13; 7.3; Ezra 3.11; Ps 100.5; 106.1; 107.1; 136.1; Jr 33.11
ma na takuiha tarema iana ki asa, vige page hato.
2Na Isiraelita ki ararira, ge vivi:
“Na takuiha tarema iana ki asa, vige page hato.”
3Na mane ni hagarahenga ki ararira, ge vivi:
“Na takuiha tarema iana ki asa, vige page hato.”
4Na enoni, ga rahesia God, ki ararira, ge vivi:
“Na takuiha tarema iana ki asa, vige page hato.”
5Igê na mamasiaganiha iaku inê kê avarasia na Araha.
Ngaia ki aganariê ma ki hagatahiê.
6Na Araha ki tamaniê, ma ki asa, be magu.#He 13.6
Na ta ka girara na enoni, vige tanua tangê?
7Na Araha ki tamaniê.
Inê kê pe makuku tenira na merongaku,
ma inê kê page teharira.
8Na hagêguringa togo renia na Araha
ki teharia na hagêguringa togo renira na enoni.
9Na hagêguringa togo renia na Araha
ki teharia na hagêguringa togo renira na maneraha.
10Rako na merongaku ka oga rihiê,
ma inê kê hagaerasira ngavê
renia na raramohana na Araha.
11Ngaira ka oga rihiê, ki taku,
ma inê kê hagaerasira ngavê
renia na raramohana na Araha.
12Ngaira ka akuriê mangara na manivo.
Ngaira ka manga na gi, i vatahu.
Ma inê kê hagaerasira ngavê
renia na raramohana na Araha.
13Ngaira ka ramo ka sugariê, ma kê haga ni vota,
ma na Araha ki tamaniê.
14Na Araha ki na raramohaku, i hagaramoniê.#Ex 15.2; Is 12.2
Ngaia ki bani hagatahiê.
15Rongora na kariana God ka ngerengere vagevage i ruma iata,
suria ga teha ma ka kiki, ka vivi:
“God raramohaga hunia ngaia nge!
16Na raramohana ki katogia, ka teha!
Ngaia ki rako teha igê na hearihatana!”
17Inê ki asa be me, ma kê mauri hete.
Inê kê tarohenigi na tauhana na Araha.
18Ngaia ki bani hagaitangiê bâraha,
ma ki pe hagamesiê.
19Mu tangahigi na maa ni Ruma ni Rotu.
Inê be banu vê
ma be visia koro na Araha.
20Na maa ni ruma ngekê ki râ tanga na Araha.
Na enoni ma, ga koro ma oto na parongata,
ka girara ga bêbanu igê.
21Inê kê visigo koro, Araha,
suria go aganariê,
suria go katoê, kê teha.
22Na u, ga usitenia na mane, ga totora ruma,#Lk 20.17; Ac 4.11; 1 P 2.7 #Mt 21.42; Mk 12.10-11
suria ga vi ma, vi pe koro,
ngaia ki vora na u na rangata.
23Na tauhana na Araha nga!
Igia ka konetenia teha ngavê!
24I ngekê ki na tangiana iana na Araha.
Ge vagevage ma ke ageage!
25Igami kami avarasigo, Araha.#Mt 21.9; Mk 11.9; Jn 12.13
Gu hagatahigami!
Igami kami nungigo,
ko vategami na ramana.
26God ke korokoro tangara na enoni, ga rahesia ikê.#Mt 21.9; 23.39; Mk 11.9; Lk 13.35; 19.38; Jn 12.13
Igami kami nungia na Araha, ki korokoro tangagamu,
mu râ me i Ruma ni Rotu ikê.
27Na Araha ngaia nga ki God nga,
ma ki bani koro tangagia.
Mu karikaringenigi na arani na apinige.
Mu vagevage ma kamu rihia na bea ni vogasiha.
28Igo ki na God iaku,
ma inê be visigo koro, Araha,
ma be tarohenia na raramohamu raha.
29Visia koro na Araha,
suria ngaia ki koro,
ma na takuiha tarema iana ki asa, vige page hato.
Currently Selected:
KI 118: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
