KI 116
116
Visia koro God renia na mauriha
1Inê kê takuia na Araha,
suria i rongoê
ma ki aganaria na nunginungi iaku.
2Ngaia ki aganariê
na ara ni matena gê avarasia.
3Inê kê oga i rarona na mera.
Na eraha na matahu ki haga ni tarahuê,
ma inê kê magu ma kê anumanuma.
4Tahema inê kê avarasia na Araha,
kê vi: “Inê kê avarasigo, Araha.
Gu hagatahiê!”
5Na Araha ki koro ma ki teha i pasina na takuiha.
Na God iaka ki merahetaki na enoni.
6Na Araha ki anumasira na enoni, i bara tangara.
Matena gê haga ni me, ngaia ki hagatahiê.
7I pe arari, ve anumanuma,
suria na Araha ki bani koro tangê.
8Na Araha ki hagatahiê tenia na mera.
Ngaia ki hagamuniê,
ma ki urapusiê, kê pe tâ i ano.
9Tahema inê kê goga mênga i maana na Araha,
i pasita na enoni, ga mauri.
10Inê kê ama ni hagêguri togo nga,#2 Co 4.13
naka ma inê kê vi,
vigê bagahagêguri ngavê.
11Inê kê ama ni hagêguri togo nga,
naka ma matena gê magu ma kê vivi inê:
“I asa, be tongesuria o ti?”
12Manga i he kê barugi tanga na Araha
na mahatanga raha iana tangê?
13Inê be vogasia na Araha renia na vaini,
hanana gê visia koro, suria i hagatahiê.
14Igê na hagarahenga iata na kariana hato
inê be hagamonaria na suruha iaku ngekê.
15Na marâ raha tanga na Araha
ki na memeta iana na kariana.
16Araha, inê ki na kariamu suria na tauhana na kenaku.
Igo ko bani hagatahiê tenia na mera.
17Inê be vogasigo, be visigo koro,
ma be rahesigo, Araha.
18Inê be hagamonaria na suruha iaku,
matena ga hagarahe haku na kariamu hato.
19Inê be hagamonaria i Ruma ni Rotu iamu i Jerusaleme.
Ge hagarahasia na Araha!
Currently Selected:
KI 116: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
