KI 101
101
Na suruha iana na maneraha#Na ki iana o Tavite.
1Na ki iaku ki râ surigi na totosuriha ma na otoha.
Inê kê kiria na ki ngekê tangago, Araha.
2Inê be paronga matarotaro.
I na keta ko page arâ me i pasiku?
Inê be mauri koro ma be oto i pasiku
3ma be ngaritenigi hagetage na eraha.
Inê be marakorotenigi hagetage
na tauhata na enoni, ga murisigea God,
ma be tora geteê ngavê tenira.
4Inê ki asa be hagahagaparu
ma be tora geteê hagetage tenira na enoni era.
5Inê be nahuia ngavê na ani ma na enoni,
i tamasi erasia pinihi na enoni getea.
Inê be usitenira na enoni, ga heruhiruhi
ma ka paroparo.
6Inê be korokoro tangara na enoni,
ga tari surigo, God iaku,
ma be hagamarumungenira, ke oga i pasiku.
Na enoni, ga matarotaro hagetage na tauhata,
inê be hagamarumungenira, ke tagara tangê.
7Ma na enoni ni hagaparunga ki asa, vige oga i pasiku
ma nikâ na ani ga bagasusuka.
8I na ara ni tangiani inê be hagaitangira ngavê
na enoni era i pasimami.
Inê be paira hura na enoni era hato
tenia na hinua raha iamu, Araha.
Currently Selected:
KI 101: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
