JUTITI 3
3
Na enoni igê na tarasini
1Na enoni hato igê na tarasini ka hagatorangenira na mane tora tamasinga tanga na maneraha o Nebukanesare, ka nungia vi siana ki meraheariha. 2Ngaira ka vi: “O Nebukanesare, igo ka na maneraha go teha, igami kami ama ni panepane nga henigo. Igami kami nanê hanana mi tamanigo ma kami arâ surigi na ani mavê na bonasiha iamu tangagami. 3Na ruma iamami, na mako hato iamami, na mu iamami, na togoha iamami ma na ruma na gahu iamami, ngaigi hato ka na animu. Igo ma ko giraragi. 4Na hinua iamami ma igami na enoni igê ka na animu. Igo ma ko giraragami.”
5I murina ga bani ata râ na mane tora tamasinga ma ka bani nungia na marapeha, 6o Holoperenesi ki bêngenira na mane ni me iana o Nebukanesare ka bêso tanga na tarasini. Ngaia ki nakara na mane ni me surigi na hinua hato ga pararihigi, ma ki atera na mane so i hinua ga pane henia, ka mane ni me hanana ga tamania. 7Na enoni surigi na hinua ma surigi na agua hagarangigi ka mêri renia o Holoperenesi. Ngaira ka takerenigi na mahe, ka mâmâ ma ka tarugigi na gogo. 8Ma o Holoperenesi ki ruhuruhugi na agua ni vogasiha ni ataro iata ma ki tapigi so na apinige iata ga vogasi igê. O Nebukanesare ki bani bonasia, hanana vi hagaerasigi na nunuta na ataro iata, hanana na ara ni enoni hato surigi na agua ka vogasia ma o Nebukanesare ma ka rahesia manga vi ngaia ki God.
9Hemuri o Holoperenesi ki râ nga ki ata igê na maruguna i Jeserele hagarangia i Totane i maatigi râ na boteni na hungani i Juta. 10Ngaia ki tênga i berarogaterua i Geba me Sikitopolesi. Ngaia ki oga i ngekana suria na hageha gi tage, hanana i rurugi haku nikâ na marâ hato tangara na mane ni me iana.
Currently Selected:
JUTITI 3: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific