ISAIA 20
20
Na poropete i rupaturi ki katoa ta na giraraha
1O Saragone, i marungia i Asiria, ki bonasia na maneraha teha na mane ni me i Asiria, hanana i taharia i Asetote, na hinua raha i Pilisitia. 2Na harisi gi oru i nago tarana na tarana ngekê na Araha ki bani vi tanga o Isaia, karena o Amose, ki tarasigi râ na santele ma na kakagani na gahu iana. Ngaia ki tê vita, ma ki arârâ rupaturi ma renigi na êgana gonari. 3Matena na me ni Asiria ka bani rêa i Asetote, na Araha ki vi: “Na kariaku o Isaia ki bani rârâ rupaturi ma renigi na êgana gonari surigi me noga na harisi gi oru. Na tarana ngekê ki na girarana na tarana, i page tarahurerua i Esipito ma i Etiopia. 4Na maneraha, i marungia i Asiria, ki page henahuraura na ai ni Esipito, ma ki page torera vê rupaturi. Na bani nuni ma na enoni haoru ka page arâ renigi na êgata gonari ma ka rupaturi. Ngaira ka page maki ngavê, suria ga pe gahu pusigi na marâ iata.
5“Na enoni, ga raruni togo renia i Etiopia ma ka tamasi paroparo renia i Esipito, ngaira ka page raruni baguru, ma ki asa vige page tako ni tahinga. 6I na matena ngekana na enoni igê na tarasini i Pilisitia ka page vi, ‘Bâsia na tarana i tarahura na enoni, igia ka hagêguri togo renira, hanana viga anumasigia ma ka hagatahigia tenia na maneraha, i marungia i Asiria! Manga i he igia ka girara, viga tahitahi?’”
Currently Selected:
ISAIA 20: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
