ISAIA 12
12
Na ki ni visiha koro
1I na matena ngekana
na enoni ka page kiki igê, ka vivi:
“Araha, inê kê visigo raha.
Igo ko bani mangariaga tangê,
ma i ngekê igo ko hagakoro obaku aporo,
suria i hato na mangariaganiha iamu.”
2God ki na tahingaku.
Inê kê hagêguri togo renia,
ma ki asa iaku be magu.
Na Araha ki hagaramoniê
ma ki hagagatagataniê.
Ngaia ki na tahingaku.
3Na kariana na Araha
ka page vagevagesia na ve,
ga titi igê na ve karu ni tahinga.
4Igê na tangiana ngekana
na enoni ka page kiki ka vivi:
“Visia koro na Araha.
Mu avarasia.
Hagarongora na enoni i maveta
renigi na tarani raha, i katogi.
Mu hagagirarara, vi ngaia ki teha ngavê.
5Kiria na Araha renigi na tagaraha iana.
Ke girara na maveta hagenani.
6Igamu na ai ni Sione,
mu kiki ma kamu ngerengere.
Na God iata na Isiraelita
ki apuna teha ngavê.
Ngaia ki raramohaga hunia
ma ki ngahisira na kariana.”
Currently Selected:
ISAIA 12: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
