HAGONEGAHANI 10
10
Na raraha iata o karena o Noa
(1Sihonga 1.5-23)
1Ikê na raraha hegitigi iata o Semi mo Gamu mo Japeti o karena o Noa. I murina na maganuha raha o hegoata gi oru ngegê ka apara kare.
2Na kare mane i aparara o Japeti ngaira ka no Gomere, o Magogo, o Matai, o Javane, o Tubale, o Meseke mo Tirasi. Ngaira ka na êvarita na enoni ga tora na atata hegetigi. 3Na raraha iana o Gemere ka no Asekenase, o Ripata mo Togarama. 4Na raraha iana o Javane ka no Elisa, o Tarasisi, ma na ai ni Saipero ma ni Rotesi. 5Ngaira ka na êvarita na enoni igê na tarasini ma igê na marê. Na raraha iana o Japeti ngegana ka oga hehegitigi surigi na varo ninuni iata. Ma ngaira ka nahunigi hegitigi na tamasinga iata mareta.
6Na kare mane i aparara o Gamu ngaira ka no Kuse, o Esipito, o Libia mo Kanane. Ngaira ka na êvarita na enoni ga tora na atata hegetigi. 7Na raraha iana o Kuse ka no Seba, o Gavila, o Sabata, o Rama mo Sabateka. Na raraha iana o Rama ka na enoni i Seba ma i Tetane. 8O Kuse ki apara ta na kere mane nikâ o Numirote. Ngaia ka na ani i hagenago ki henahuraura ma ki teharira na enoni i maveta. 9Ngaia ki aresuria na hagavasinga, suria na Araha ki tamania. Tahema na enoni ka vi: “Gu mane ni hagavasinga i maana God manga o Nimirote.” 10Hagenago ngaia ki nakagi i Babilone, i Ereke, i Akata me Kalene i ruguhana marena. Na hinua ngegana ka oga i Babilonia. 11Tenia i ngekana ngaia ki henahuraua i Asure. Ngaia ki tagarahigi igê na hinua raha i Nineve, i Regobotire, i Kalaga, 12ma i Resene na hinua raha i beraragaterua i Nineve me Kalaga.
13Na raraha iana o Esipito ka na enoni i Lute, i Anama, i Lehaba, i Napatuga, i Paterosi, 14i Kasilugu me Kerete. Na ai ni Pilisitia ka na raraha iata na ai ni Kerete.
15O Kanane ki apararerua o karena gi rua: o Sitone mo Kete o vesina. Ngairerua ka na êvarita na enoni ga tora na ataterua hegetigi. 16Nikâ o Kanane ka na êvarita na Jebusita, na Amorita, na Girigasita, 17na Givita, na Arakita, na Sinita, 18na Aravatita, na Semarita ma na Hamatita. Na varo ni nuni iata na raraha iana o Kanane ngaira ka totoko ka manasia haganega 19tenia i Sitone tanga i Gerara hagarangia i Gasa ma i na apanena akê tangagi i Sotome, i Gomora, i Atema me Seboimi hagarangia i Lasa. 20Ngaira ngegana ka na raraha iana o Gamu, ga oga hegitigi surigi na varo ninuni iata ma ngaira ka nahunigi hegitigi na tamasinga iata mareta.
21O Semi veogana o Japeti ngaia ka na êvarita na Hebereo hato. 22O karena o Semi ngaira ka no Elama, o Asure, o Arapasata, o Lutu mo Arama. Ngaira ka na enoni ga tora na atata hegitigi. 23Na raraha iana o Arama ka na enoni i Usu, i Gulu, i Getere me Masa. 24O Arapasata ki apara o Selaga. O Selaga ki apara o Ebere. 25O Ebere ki apararerua o karena gi rua. Tani ka hêtana vi o Pelege, suria igê na matena iana na enoni i maveta ka totoko hegetigi. Ma tani ka hêtana vi o Jokotane. 26Na raraha iana o Jokotane ka na enoni i Alomotata, i Selepe, i Gasaramavete, i Jeraga 27i Hatorama, i Usale, i Tikila, 28i Obale, i Abimaele, i Seba, 29i Opiri, i Gavila me Jobabe. Ngaira hato ka na raraha iana o Jokotane. 30Ngaira ka totoko ka manasia haganega tenia i Mesa tanga i kerekê i Separe igê na hungani. 31Ngaira ngegana ka na raraha iana o Semi, ga oga hegitigi surigi na varo ninuni iata ma ka nahunigi hegitigi na tamasinga iata mareta.
32Ngaira hato ngegana ka na raraha iana o Noa surigi na apaparaha ma na varo ninuni iata. I murina na maganuha raha na enoni hato i maveta ka na raraha iata o karena o Noa.
Currently Selected:
HAGONEGAHANI 10: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific