ESEKIELE 15
15
Na maramaraveta renia na varo ni vaini
1Na Araha ki tamasi tangê, ki vi: 2“Igo, karena enoni ma, i hega, na varo ki teharia vari na apinige? Igê na tarana ta na varona na vaini ki teharigi igê na apinige i na vapu? 3Na ta ko girara, vigo tagarahia renia? O girara vari, vigo katoa renia na kuhakuha? 4Ngaia ki araria ma na gi. Manga vi na bogona heri ma ke noro ke makaka, ma i gupu ke marahaga, na ta ki araria? 5Matena i mamênga vige nonoro, ngaia ki pe bani araria rârâ ta na marâ, ma i ngekê ki makaka ma ki marahaga, ngaia ki kahu pe araria ngavê ta na marâ.
6“Hoi, inê na Araha God kê vi vikê: I tagenana mangagi na varo ni vaini i mu, ga sungigi, inê be katora vikana na ai ni Jerusaleme. 7Inê be hagaitangira. Ngaira ka bani tahi tenia tani na gi, ma i ngekê tani nikâ na gi ki page ngaura. Igê na matena ngekana igamu kamu page tahetara reniê igê, vi inê ka na Araha. 8Inê be katoa na agua, ke hihiruga, suria ngaira ka pe toto suriê. Ngaia kani gê visia, inê na Araha God.”
Currently Selected:
ESEKIELE 15: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
