ESETA (Greece) (G)
(G)
Na ramateniana na maruteha iana o Moretekai
O Moretekai ki vi: “God ki hagavoregi na ara ni marâ hato ngegana. 4[2] Na tarani ngegana ka hagatakusiê renia na maruteha iaku renigi. Na ara ni tarani igê na maruteha iaku ka vaga me mave. 5[3] Na kere ve banga sisite ki vora re na ve raha, na kahuagana na tangiana matena i raboa na arito, ma na ve ki raharaha era. Na ve kani ka Eseta i vora re na geteraha, suria na maneraha ki êragia. 6[4] Na bagahua raha gi rua ka no Hamane menê. 7[5] Na enoni i na agua getigi ka na ani ga haku ka mutera na Siu. 8[6] Na kariaku ka na Isiraelita ga avarasia God ma ka tahi. Na Araha ki hagatahira na kariana. Ngaia ki hagatahigia tenigi na ara ni eraha ma ki tanugi na mena ma na tagaraha raha, i asa vige bani akê me i berarogani na agua getigi. 9[7] Vigana, suria God ki nahunirerua na katoha gi rua: na ani gi tage tangara na kariana ma tani tangara na agua hato getigi. 10[8] Ki rârâ ma ki ata me na matena ma na tangiana God i hagamonarirerua igê na katoha gi rua iana: na ani tangara na kariana ma na ani tangara na agua getera. 11[9] God ki takusira na kariana hetakui ma na hagagaraniha iana ki koro tangara. 12[10] Vikana i na ara ni harisi tare ki bê ki arâ, na kariana God ka page hakuhaku i maana igê na tangahuruta matare he ma na tangahuruta matare rima na tangiana igê na hageha na Atare ma ka page hagarahasirerua na tangiani ngegana ni vagevageha ma ni obakoroha.”
Na hatongina na buka
13[11-13] Igê na heta na harisi iaterua o Potolomeo ma ka Keleopatara garu bêngenia na gavumane, o Tositeo i vi ngaia vi na mane ni hagarahenga tenia na varo ninuni iana o Levi, ngaia ki merâ me na leta ngekê renia na tangiana raha ni Purimi. Ngaia ki râ me henia o Potolomeo o karena ma ngairerua karu visia vi na leta ngekana ki na morana na leta o Lusimago ki bani urusia. O Lusimago ki no karena o Potolomeo ma na hitangita na haku i Jerusaleme.
Currently Selected:
ESETA (Greece) (G): KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific