2 KORINTO 13
13
Na hatungina na leta
1I ngekê ki na oruta na matena, gê arâ vê, kê vatugigamu. Na Buka Apuna ki vi, “Igê na hagatamasiha na vererua, se na vera oru ki tuguhira viga hagatanga monari renigi na ara ni tamasinga.” 2Inê kê obania be hagarangogamu renira na enoni, ga bani tasi i nago, ma renira na ani hato getera. Inê kê bani visia i nago, matena na ruata gê vatugigamu, ma be haganunura nikâ i ngekê, matena gê pe oga i pasimi: i hemuri, matena gê arâ me, na hagaitangiha ki pe tihia ta na hitangimi. 3Igamu kamu obaniê, vi gê hagatanga monari renia o Kirisito, i tamasi i haraku. Ngaia ki manga ikê: ngaia ki pe hagatari surigamu, ma ki hagabângenia hete renia na ramoha iana. 4I monari, ngaia ki agana, matena ga rupasia igê na kuruse, ma i ngekê ngaia ki mêri aporo renia na raramohana God. Igê na obahahaku henia igami kami agana manga ngaia, ma kami page mauri henia renia na raramohana God, hanana mi tamanigamu.
5Mu uhungigamu maremi, ma kamu hagakitagamu maremi, hanana mu girara, vi igamu mauri maninga suria na tongesuriha, se i mareha. Mu bani girara vari, vi o Kirisito Jesu ki oga i pasimi, iê? Manga i mareha, ngekana igamu kamu bani era ngavê. 6Inê kê obania, mu girara maninga, vi igami kami pe era ngavê. 7Igami kami nungia God, hanana vi siana igamu kamu katoa ta na marâ, i pe oto; mareha vi suria mi hagabângenia, vi igami kami tagara bâkoro, ma suria hete vi igamu katoa na tarana i oto, he naka i bâ, manga vi igami kami era ngavê. 8Suria i asa, vi gami katoa ta na marâ pusia na monariha iana God, ma ki tuguhigami hete, vi gami tagara tare tanga na monariha. 9Igami kami vagevage, matena mi pe nganganihaga igami, ma kamu nganganihaga igamu. Tahema igami kami nunginungi nikâ, hanana vi gamu korokoro ngavê. 10Tahema inê kê segea na leta ngekê, matena gê pe oga henigamu, suria na matena gê atata vê i pasimi, inê kê pe obania, ve ramonigamu igê na ramoha, i bani vateê renia na Araha. Ma na ramoha ngekê ki na ramoha tanga gê hagakorogamu renia, mareha tanga vi ve hagaerasigamu renia.
11Hoita, goaku igê na tongesuriha, mu mauru koro. Mu uhungia nga hanana mu korokoro ngavê. Mu têtê viteaku. Mu obâbahaku, ma kamu gâga igê na marapeha. Ma na God ni hetakuiha ma ni marapeha ke anumasigamu.
12Mu hesigini manga i marisita na enoni, ga tongesuri.
Na kariana hato God ka hagamauru koro tangagamu.
13Na hetamaniha iana na Araha o Jesu Kirisito, ma na hetakuiha iana God, ma na korohanana na Higona Apu ke angarigamu hato.
Currently Selected:
2 KORINTO 13: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
