1 ESETARASE 9
9
1Hemuri o Esera ki pania na mahera na ruma ni rotu ma ki banu igê na kiboru iana o Joganane karena o Eliasibi, 2ma ki oga i ngekana suria na bungiana. Ngaia ki rugu ngavê na obana, suria na enoni ka aharê bâraha igê na ramata. Ngaia ki pe ngê ma ki pe tono rârâ. 3-4Na meraha iata na enoni ka kasi tamasinga ka haribona suria i Jerusaleme ma i Juta tangara na enoni hato, ga bani aporo me tenia i Babilonia ga bani henahuraura tanga, hanana viga hakuhaku me i Jerusaleme. Manga vi na enoni ma ki pe arâ me i raroni na tangiani gi rua se gi oru, na puruka iana ka page torera vê tenia ma ka page hatungia tenia na haku iata na Siu.
5I raroni na tangiani gi oru igê na tangahuruta gi rua na tangiana igê na sivata na hageha na mane hato tenirerua na varo ninuni iaterua o Juta ma o Benamino ka râ i Jerusaleme. 6Ngaira ka haku igê na mahera na ruma ni rotu. Ngaira hato ka marato ka tatata, suria ki na rogaroga ahuru.
7Hoi, o Esera ki aharaga ma ki tamasi tangara, ki vi: “Igamu kamu aharê igê na ramata ma kamu hagarateta na Isiraelita, suria mu êragi hetarênge henira na gete ga pe Siu. 8Hoita, siana kamu hagaparu ma kamu ranganigi hete na tasi iami tanga na Araha God iata na êvarika, 9ma kamu katogi nga na tarani i obanigi. Mu makuku tenira na enoni mahuara ga oga igê na apanena iaka ma kamu kasira vê na gete iami ga pe Siu.”
10Na enoni ka ngere ka arami, ka vi: “Hoita, igami kami page katogi na ani mavê na marâ go visigi.” 11Ma ngaira ka vi nikâ: “Na enoni ka rako era. Ma ki anumaga ngavê. Igami ki bara, vigami ura tatara so ma ikê. Na tarana ngekê ki bara vige hagaotoa igê na tangiana gi tage se vi gi rua, suria ga rako na hitangimami ga êragi hetarênge ma ka tasi. 12Igami kami takusia, vi na enoni raha iamami kaniga oga so i Jerusaleme kaniga hagaotoa na tarana ngekana. Hemuri ngaira hato na mane ga êragira na gete ga pe Siu, ka haku me nga igê na tangiana ga atea tangara 13henira meraha ma na mane ni hagaotonga i hinua iata. Mange ngekana igia ka girara ga tahitahi tenia na mangariaganiha iana God renia na tasi ngekana.”
14O Jonatane karena o Asaele ma o Jaseia karena o Tikiva karu bâsuria na katoha ngekana. O Mesulame, o Levi ma o Sabetai na mane ni hagaotonga ka tamanirerua.
15Na enoni ga bani aporo me tenia i Babilonia, ga bani henahuraura tanga, ka bâbâ maninga i rarona na tarana ngekana. 16O Esera na mane ni vogasiha ki atera na mane i berarogata na bêni na apaparaha ma ki segegi so na atata. Igê na tangiana hagenago igê na tangahuruta na hageha ngaira ka haganega ka gari. 17Surigi na hageha gi oru i muri ngaira ka garigi na êragiha hetarênge hato iata na mane henira na gete ga pe Siu.
Na mane ga êragi hetarênge henira na gete ga pe Siu
(Esera 10.18-44)
18Igê nga na atata na mane ga êragi hetarênge. Na mane ni vogasiha surigi na apaparaha hehegitigi:
19Tenia na apaparaha iata o Josua ma ngaira o vesina karena o Josataka: o Maseia, o Eliesere, Jaribi, ma o Jotane. 20Ngaira ka tohe, viga kasira râ na gete iata ma ka katoa na vogasiha ni bonoteniha ni tasi renira na sipi mane.
21Tenia na apaparaha iana o Imere: o Ganani, o Sebatia, o Manesi, o Semaia, o Jegiele, ma o Asaria.
22Tenia na apaparaha iana o Pasure: o Elioenai, o Maseia, o Isimaele, o Natanaele, o Okitelo, ma o Elasa.
23Na mane ni hagarahenga: o Josataba, o Simi, o Kelaia ga visia nikâ o Kelita, o Petahia, o Juta, ma o Jona.
24Na mane ni kiha: o Eliasibi ma o Bakuru.
25Na mane ga anumasia na ruma ni rotu o Salumu ma o Teleme
26Na ani getera: Tenia na apaparaha iana o Parosi: o Ramia, o Isia, o Malagia, o Melelo, o Eleasare, o Asebia ma o Benaia.
27Tenia na apaparaha iana o Elama: o Matania, o Sekaria, o Jeseriele, o Abati, o Jeremote, ma o Elia.
28Tenia na apaparaha iana o Satu: o Elioenai, o Eliasibi, o Otonia, O Jeremote, o Sabata, ma o Seretaia.
29Tenia na apaparaha iana o Bebai: o Joganane, o Ganania, o Sabai, ma o Ematisi.
30Tenia na apaparaha o Bani: o Mesulama, o Maluku, o Ataia, o Jasube, o Seale, ma o Jeramote.
31Tenia na apaparaha o Ati: o Nato, o Mosiasi, o Lakuno, o Naito, o Besekapasimisi, o Sesetele, o Belenuo, ma o Maneseasi.
32Tenia na apaparaha iana o Anane: o Elionasi, o Asia, o Melekia, o Sabaia, ma Simone Gosemaio.
33Tenia na apaparaha iana o Gasumu: o Matenai, o Matata, o Sabata, o Epipelete, o Manase, ma o Simi.
34Tenia na apaparaha iana o Bani: o Jeremai, o Matai, o Amarame, o Joele, o Mamatai, o Beteia, o Vania, o Karabasione, o Eliasibi, o Makanetebai, o Eliasisi, o Binui, o Elialisi, o Simi, o Selemia, ma o Natania.
Tenia na apaparaha iana o Esora: o Sasai, o Asarele, o Asaele, o Semaia, o Amaria ma o Josepo.
35Tenia na apaparaha iana o Nebo: o Matitia, o Sabata, o Ito, o Joele, ma o Benaia.
36Ngaira hato na mane ngegana ka êragi hetarênge henira na gete ga pe Siu. Ngaira ka kasira ma ka hagatorangenira aporo henira na kareta.
O Esera ki tomania na buka ni ramata tangara na enoni
(Nehemia 7.73-8.12)
37Na mane ni vogasiha, na mane ni hagarahenga ma rako na Isiraelita purua, ga bani aporo me, ka ogasia i Jerusaleme ma hagarangia. Hagarangia na pita na hageha na Isiraelita getera ka ogasigi na hinua iata. Igê na tangiana hagenago igê na hageha ngekana, 38ngaira hato ka haku i Jerusaleme igê na mahera kerebanu igê na maani para bêkê na ruma ni rotu, 39Ngaira ka nungia o Esera na mane ni vogasiha i teha ma ki aitangisigi na ramata God i bani vatea renigi o Moise tangara na Isiraelita, hanana i merâ na buka ni ramata. 40Hoi, o Esera ki merâ igê na agua ga haku me igê na enoni hato, na mane, na gete ma na mane ni vogasiha hato, hanana ga rongoa. 41I ngekana igê na mahera igê na maani para ngaia ki tomania igê na buka ni ramata tangara, haganega igê na mahogotana tanga na ritovagana. Ngaira hato ka karinga maninga.
42O Esera ki ura igê na bea ga bani tagarahia renigi na apinige tanga vikana. 43I na apanena i otona ka ura igê: o Matatia, o Sema, o Anania, o Asaria, o Uria, o Hesekia ma o Balasamose. 44I na apanena i mahana ka ura igê: o Petaia, o Misaele, o Malagia, o Lotasubo, o Nabaria ma o Sekaria.
45O Esera ki oga so igê na atohana igê na bea i rikikê, hanana na enoni hato ka bâsia. Pusina ma i têa na buka ni ramata, 46ma ki tangahia, na enoni hato ka aharaga ka ura. O Esera ki vi: “Ge hagarahasia na Araha God i teha, God raramohaga hunia, i marungira na ara ni marâ hato.”
47Na enoni hato ka gasigi akê na rimata ma ka arami, ka vi: “I monari!” Ngaira ka susure, ka tubê so i ano ma ka rahesia God.
48Na mane ni hagarahenga ga hagesurira na enoni renigi na ramata iana na Araha, kani igê: o Jesua, o Aniuti, o Josabata, o Ganane, ma o Pelaia. Ngaira ka tomanigi na ramata tangara na enoni ma ka ramatenigi.
49-50Matena na enoni ka rongogi na marâ, na ramata ga bonasira renigi, ngaira ka tangahurira ma ka haganega ka angi. Na gavumane i bâsuria i Juta, ki tamasi tanga o Esera na mane ni vogasiha i aitangisigi na ramata, ma tangara na mane ni hagarahenga hato, ga hagesurira na enoni, ki vi: “I ngekê ki na tangiana apuna tanga na Araha. 51Mu aporo ma kamu magoto. Mu meratongani renigi na ngêra ma na vaini iami na enoni i marehasira. 52I ngekê ki na tangiana apuna tanga na Araha. Tahema siana ki rugurugu na obami. Ngaia ki page katoa ki rongo raha aporo na atami.”
53Na mane ni hagarahenga ka bonasira na enoni hato, ka vi: “Siana ki rugurugu na obami. Na tangiana apuna kani i ngekê!” 54Hoi, na enoni hato ka aporo ma ka vagevagesigi na ngauha ma na vaini ma ka meratongani renigi na enoni i marehasira. Ngaira ka magoto, 55suria ga aitangisigi na tomatomaha tangara.
Hemuri ngaira ka haku me
Currently Selected:
1 ESETARASE 9: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific