Isaías 56
56
Israembindeqquia ccushaya'cho
6-7“Toya'caen poi israembindeqquia
majan ñame in'jamba ñama shondoye in'jan'ninda
ña, Na'su, gi tisema angaya ña ñotssia ccotta'cconga.
Nane injama'choi'ccu ñama ñotsse in'jamba ñame iñajan'da
tsu ñame iñajan'jen'cho tsaoni avujatssi'faya.
Ño'faya'cho a'tama ña mandaqquia'caeñi tson'jemba
anttembe'yi ñai'ccu injancco'fa'choma paña'da tsu
avujatsse ñai'ccu can'jen'faya.
Tise'pa oque o'raemba ñanga afe'choma,
ñanga aqquia afe'choma'qque gi avujatssiya.
Nane ña tsa'oma tsu qquen afa'faya:
‘Poi ande'su aindeccu Na'su Chigama iñajan'jen'tti.’
8Israendeccu'su ccani angapa can'jen'chondeccuma tayo ttu'sepa gi
toya faesu cca'tti cca'tti can'jensundeccuma'qque
ttu'sepa tise'pai'ccu fae'ngae boñaña.”
Tsa'caen tsu Na'suja ñoa'me su.
Currently Selected:
Isaías 56: con
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
