Isaías 59
59
Israendeccu shacapa vana'jen'cho
1Na'su Oshacho'choja ingima ccushaeñe oshambi'bi tsu
inginga nepipa ingima ccushaeñe.
Ni tsosinambia'caen ingima pañañe oshambi'bi tsu.
2Tsa'ma que'i egae tsincon'choi'ccu qui ttuccuma ccutsian'fa.
Enttingeni ccutsiamba qui Chiganga catseye osha'fambi.
Nane que'i in'jangae canse'fasi
Tiseja tisu camba'juma picco que'i tisema attesa'ne;
toya'caen tise que'ima pañasa'ne.
3Que'i tiveja anjampai'ccu sinccopasi
que'i tsimian'cco'qque egae tsincon'choi'ccu
te'vaqquia'caen shacapa.
Que'i aya'faja afopoen'choveyi afa'jesi
que'i menzanza'fa'qque in'jangae tson'jen.
4Nane tansintsse su'chove tta'tta'fambi.
Ni faesui'ccu tansintsse condaseccopa
tansiaña'chove in'jan'fambi qui.
Ti'tsse afopa'chove in'jamba qui
aqquia injanga afapa condasecco'fa.
Tsa'caen tsomba qui egae in'jan'choi'ccu suripa
egae tsincon'choma isu'faya.
6Pa'cco que'i tson'jen'cho tsu egae tsincon'cho.
Que'i tivei'ccu qui sema'fa osha'choma tsomba qquejiañe.
7Que'i tsu'tte'ta tsu bare egae tsincon'chonga buttopa jaye,
toya'caen quian'me japa egae tsincombi'choma fi'ttiye.
Que'i injama'choni'qque egae in'jan'choyi on'ba'osi qui mani jacan'an'qque
osha'choma dañomba vanae'fa.
8Nane opatsse canseya'chove atesu'fambi qui.
Ni tansintsse tsoñe qui osha'fambi.
Que'i ja'je'cho tsaiquija itoyetssi tsu.
Nane majan tsa'caen jacan'da tsu opatsse canse'faya'bi.
Currently Selected:
Isaías 59: con
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
