Oseas 2
2
Na'su Chiga ñotsse in'jan'cho
Toya'caen Na'suja qquen su:
16“Tse'i qui que'i israendeccuja
‘Ñama manda'su’ qquen ti'tsse ñama afambipa
‘Ña tsa'ndu’ ñama afa'faya.
Ña, Na'su gi que'inga conda.
17Que'i aya'fai'ccu Baal nasundeccu qquen afa'je'choma gi itsaya.
Itsasi ccatsse qui tsa inisema afa'faya'bi.
18Tsequi a'ta gi tsampini jacanqque'sui'ccu
injancco'faya'chove tsoña cuintsu
antte'faye israendeccu tise'pai'ccu opatsse canse'faye.
Nane sefani jacanqque'su, andeni manguqque'sui'ccu
tsa'caen injancco'faya'chove gi tsoña.
Toya'caen gi sundaro battittianccu,
matichima'qque itsapa gerama se'piya
cuintsu israendeccu ppimppintsse ana'jen'faye.
19Israel, que qui tsangae ña pusheve daya.
Nane injama'choi'ccu ñoa'me in'jamba gi
manda'cho mandaqquia'caen quema pusheya.
20Queja ña pushesi gi tsangae quema an'biaña.
An'biansi qui ñama que Na'su qquen injan'jeña.
21Ña, Na'su gi que'inga conda'je:
Tsequi a'ta gi sefaccoma pañaqquia'caen antteya tsambe in'jan'chove tsoña.
Sefacco'qque unjima andenga tuiñaña.
22Toya'caen ande sho'yaensi tsu trigo, vino,
yayapa'qque tsai'bitsse atapaya.
Tsonsi Jezreelja ‘Ñoa'me Chiga jon'chove’ daya.
23Tisumbeveyi jonqquia'caen gi
ña aindeccuma tise'pa andeni an'biaña.
Nane Lo-ruhamama, Lo-amima'qque
injama'choi'ccu ñotsse in'jamba gi suya:
‘Que'i israendeccuja ña aindeccu qui.’
Ccane'qque tsu su'faya: ‘¡Queja ingi Chiga qui!’ ”
Currently Selected:
Oseas 2: con
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
