Psalmen 92
92
Met Freid Gott danken
1Een Psalmleet fa däm Sabat. 2Daut es goot dän Harn to danken un met Leeda dienen Nomen to lowen, du Aulahechsta, #Psa 147,1 3Zemorjes räd wie von woo truhoatich leeftolich du best, un zeowes saj wie, woo wie ons opp die veloten kjennen. 4Wie lowen die met daut tieen seidje Instrument, un spälen met Hoapen un Jittoaren. 5Har, du hast mie derch diene Woakjen froo jemoakt, un ekj sinj met Freid von dien Hauntwoakj.
6Oo Har, woo groot sent doch diene Woakjen, un diene Jedanken sent soo sea deep. #Psa 104,24; Jes 55,9
7Wäa nich weis es, jleeft daut nich, un een Noa vesteit daut nich, 8daut wan de gottloose uk jreenen aus Graus, un de Sinda aula blieejen, daut dee woaren opp emma äwatsied jebrocht woaren. 9Oba du, oo Har, best eewich de aula Hechsta.
10Dan kjikj emol, diene Fiend, oo Har, kjikj emol, diene Fiend motten omkomen un aule schlajchte vestreit woaren. 11Oba du hast mie soo stoakj jemoakt aus een willen Boll, un hast mie Freideneelj äwajegoten. #Psa 23,5 12Miene Uagen haben jeseenen woo miene Fiend jefollen sent. Miene Uaren hieren woo de schlajchte, dee sikj jäajen mie saten, to Grunt gonen.
13De jerajchte woaren jreenen aus een Paulmboom; dee woaren soo waussen aus een Zeedaboom opp däm Libanon. #(13-15) Psa 1,3; 52,10 14Dee sent em Harn sien Hus jeplaunt, un woaren en Gott siene Väahäw jreenen. 15Dee woaren noch en de oole Joaren Frucht droagen, un woaren fresch un em blieejen bliewen. 16Doaraun es to seenen, daut de Har jerajcht un opprechtich es; bie am sto ekj secha, un en am es nuscht ojjerajchtet. #5Mo 32,4
Currently Selected:
Psalmen 92: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
