Psalmen 6

Een Roop no Help

1Eent von David siene Psalmen, väatosinjen opp acht Seiden. 2Oo Har, vesteet mie nich en dienen Oaja, un strof mie nich ut Wutt! #Jer 10,24 3Oo Har, hab Metleet met mie, wiels ekj sie schwak. Heel mie, oo Har; mien Kjarpa es met Weedoag jeploacht. 4Miene Seel es gaunz veläajen. Woo lang, oo Har, woo lang?

5Komm trigj, oo Har, un rad miene Seel! Halp mie, wiels du mie soo goot best. 6Wäa ieescht doot es, denkjt nich mea aun die. Wäa woat die em Grauf danken? #Psa 30,10; 88,11; 115,17-18; Jes 38,18 7Ekj sie von mien stänen meed un utjespält. Ekj hiel aule Nacht soo väl, daut miene Baden naut woaren; mien Kjessen es met Tronen derchjenat. 8Mie es derch aul mien Trua daut Seenen vegonen. Miene Uagen sent oolt jeworden, wiels ekj soo väl Fiend hab.

9Wajch met aul junt schlajchte; wiels de Har haft mien hieet hielen. 10De Har hieed mie om Jnod schrieen. De Har nemt mien Jebäd aun. 11Miene Fiend sellen aula toschaund woaren, un en väl Trubbel jeroden. Dee sellen trigj gonen un plazlich toschaund woaren.

Currently Selected:

Psalmen 6: PB

Highlight

Copy

Compare