Psalmen 4

Freid un Fräd, uk en schwoare Aunfajchtungen

1David sien Psalm, met Seidenspell toop, väatosinjen. 2Mien jerajchta Gott, auntwuat mie wan ekj roop. Du jefst mie Troost en miene Angst. Hab Metleet met mie un hia mien Jebäd. 3Woo lang well jie Menschenkjinja miene Iea toschaund moaken? Woo lang well jie junt aun ladje Wieed hoolen un met Läajes omgonen? 4Oba dit sell jie weeten, daut de Har sikj siene heilje aufsondat un wundaboa fieet. De Har hieet wan ekj am aunroop. 5Sindicht nich em Oaja. Rät met jun ieejnet Hoat wan jie em Bad ligjen, un woat stell. #Efs 4,26 6Opfat em rajchten Jeist un sat jun vetruen opp däm Harn. #Psa 51,19.21; 1Pet 2,5 7Väle froagen: Wäa woat ons goodet seenen loten? Lot ons unja diene Uagen em Licht stonen. #4Mo 6,25 8Du hast mie mea Freid em Hoaten jejäft aus jane haben, wan dee väl Jeträajd un Wien haben. 9Ekj woa mie dol lajen un em Fräd schlopen, wiels daut schaufst bloos du Har, daut ekj en Sechaheit won. #Psa 3,6

Currently Selected:

Psalmen 4: PB

Highlight

Copy

Compare