Psalmen 3
3
Daut vetruen opp Gott sienen Schutz
1David sien Psalm, aus sien Sän Absalom am hinjaraun wia. #2Sam 15,13-37 2Ach, Har, woo hab ekj soo väl Fiend, un soo väl dee sikj jäajen mie saten! 3Väle sajen von mie: Hee haft kjeene Help bie Gott. 4Oba du, oo Har, best een Schilt fa mie, mien Harlicha, dee mie wada to Ieren brinjt un dän Kopp opprecht. #1Mo 15,1
5Ekj schrie dän Harn lud aun un hee auntwuat mie von sienem heiljen Boajch. 6Ekj laj mie dol to schlopen; ekj wakj opp, wiels de Har mie bewoat. #Psa 4,9 7Ekj enjst mie nich fa de väl dusende Menschen, dee sikj von aule Sieden jäajen mie saten. #Psa 27,3
8Moak die äwahäa, oo Har! Rad mie, oo mien Gott! Du schleist aul miene Fiend opp de Baken. Du brakjst de gottloose de Tänen. #4Mo 10,35 9Help kjemt vom Harn. Lot dien Säajen äwa dien Volkj komen!
Currently Selected:
Psalmen 3: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
