Psalmen 24

Engank en daut Heilichtum

1Eent von David siene Psalmen. De Ieed es dän Harn siene, un uk aules waut doabennen es, de Welt un aul dee, waut doabowen wonen, #Joh 1,11; 1Kor 10,26 2wiels hee bud de Welt äwa de Wota un läd dän Grunt unjen em Mäa.

3Wäa doaf opp däm Harn sien Boajch nopp stieen? Un wäa doaf en siene heilje Städ stonen? #(3-6) Psa 15,1-5 4Wäa oschuldje Henj un een reinet Hoat haft; wäa met siene Seel nich aun Aufjetta henjt un nich faulsch schwieren deit. 5Dee saul vom Harn een Säajen kjrieen; un Gott, sien Heilant, woat am jerajcht spräakjen. #Jes 48,18 6Dit sent soone, dee no am sieekjen, un dee Jakob sienen Gott seenen muchten.

7Moakt de Puaten wiet op, un häft de eewje Däaren huach, daut de Ierenkjennich nenkomen kaun! #2Sam 6,1-19; Jes 40,3-4 8Wäa es dis Ierenkjennich? Daut es de jewaultich stoakja Har, een jewaultja Kjrieja. 9Moakt de Puaten wiet op, un häft de eewje Däaren huach, daut de Ierenkjennich nenkomen kaun! 10Wäa es dis Ierenkjennich? Daut es de Har, dee aules rejieet; hee es de Ierenkjennich.

Currently Selected:

Psalmen 24: PB

Highlight

Copy

Compare