Psalmen 16

Du wiest mie dän Wajch nom Läwen

1Eent von David siene Psalmen. Hool du mie secha, wiels ekj sat mien vetruen opp die. 2Ekj säd toom Harn: Du best mien Har; ekj hab buta die nuscht goodet. #Psa 73,25 3Un waut de heilje em Launt aunbelangt, daut sent de harliche, dee mie gaunz un goa jefaulen. 4Oba fa dee, dee Aufjetta hinjaraun ranen, saul de Trua toonämen. Ekj woa kjeen Opfabloot ver de Aufjetta utjeeten un äare Nomes nich äwa miene Leppen brinjen.

5De Har es mien Deel vom Oafgoot; hee helt mie secha. #4Mo 18,20; Psa 73,26; Kloag 3,24 6De Jrenslienjes sent mie toom Jefaulen jetrocken; ekj hab opp Iernst een goodet Oafgoot jekjräajen. 7Ekj low dän Harn, dee mie Rot jeef; en de Nacht belieet mie soogoa mien ieejnet Hoat. 8Ekj hab dän Harn emma ver de Uagen; wiels hee mie to rajchte Haunt steit, woa ekj secha stonen. 9Doawäajen sie ekj von Hoaten froo, un miene Tung rät met Freid. Mien Kjarpa woat uk en Hopninj reiwen, 10wiels du woascht miene Seel nich dän Doot hanjäwen, un dienen Heiljen nich en daut Doodenrikj nenschekjen. 11Du moakst mie met däm Läwenswajch bekaunt; en diene Jäajenwuat es de Freid soo groot aus dee woaren kaun. Bie die to rajchte Haunt sent eewje Freiden.

Currently Selected:

Psalmen 16: PB

Highlight

Copy

Compare