Psalmen 120
120
Een Roop no Help jäajen dee, dee eenem schlajchtet noräden
1Een Leet opp de Reis no Jerusalem to sinjen. Ekj roop dän Harn aun en miene Noot, un hee hieet mie. 2Rad mie, oo Har, von de Läajna met äare hinjat Licht fierende Tungen.
3Waut kaun die de faulsche Tung doonen, un waut kaun dee utrechten? 4Dee es soo aus een stoakjen Kjrieja siene schoape Feilen, soo aus Fia em Bassemboom.
5Wee mie, daut ekj een framda en Meschech sie, un en Kedar äare Zelten wonen mott. 6Ekj hab aul too lang mank dee jewont, dee nich opp Fräd hoolen. 7Ekj hool Fräd, oba wan ekj waut saj, dan fangt de Kjrich aun. #Reema 12,18
Currently Selected:
Psalmen 120: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
