Psalmen 101
101
De Kjennich vesprakjt to doonen waut rajcht es
1Een Psalm von David. Ekj well von diene truhoatje Leew un dien rajcht sinjen, oo Har, ekj woa die met Leeda lowen. 2Ekj woa väasechtich un oschuldich läwen. Wanea woascht du no mie komen? Ekj woa en mien Hus von Hoaten opprechtich waundlen. 3Ekj näm mie nuscht beeset väa. Ekj kaun de Woakjen von dee, dee doa auffaulen, nich lieden, un mie sellen dee nich aunhenjen. #(3-6) Spr 20,8.28 4Wäa een vekjieedet Hoat haft, saul von mie wiet auf bliewen; ekj well met daut beese nuscht to doonen haben. 5Wäa sienen Noba heemlich schwoat moakt, dän woa ekj äwatsied schaufen. Wäa huachnäsich kjikjt un em Hoat stolt es, dän kaun ekj nich vedroagen. 6Ekj woa no dee, dee em Launt tru sent, oppaussen, daut dee bie mie wonen kjennen; wäa oschuldich waundelt, saul mie deenen. #Spr 22,11 7Onopprechtje Lied hool ekj nich em Hus; Läajna kjennen ver mie nich bestonen. 8Ekj woa aule Morjen aule gottloose em Launt äwatsied brinjen, daut ekj aule schlajchte von em Harn siene Staut utrod. #Spr 20,26
Currently Selected:
Psalmen 101: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
