Matäus 7
7
Nich rechtalich sennen
(Luk 6,37-38.41-42)
1Doot nich rechten, daut jie nich uk jerecht woaren. #Reema 2,1; 1Kor 4,5 2Wiels jrod doano aus jie aundre rechten, woa jie uk jerecht woaren. Un doano aus jie toomäten, woat junt toojemäten woaren. #Jes 33,1; Mrk 4,24 3Wuarom kjikjst du no eenen Spoon en dien Brooda sien Uag un moakjst nich dän Baulkjen en dien ieejnet Uag? 4Ooda woo kaust du to dien Brooda sajen: Lot mie dän Spletta ut dien Uag trakjen, wan du selfst een Baulkjen em Uag hast? 5Du Heichla! Trakj ieescht dän Baulkjen ut dien ieejnet Uag, dan woascht du seenen kjennen, dän Spletta ut dien Brooda sien Uag to trakjen.
Väasechtich sennen erlaupt un befolen
6Jäft de Hunj nich daut waut heilich es, un schmiet june Parlen nich ver de Schwien, daut dee dee nich unja de Feet kjrieen un sikj dan äwahäa moaken un junt verieten. #Mat 10,11; Luk 23,9
Met vollem vetruen to Gott bäden.
(Luk 11,9-13)
7Froacht, un junt woat jejäft woaren. Sieekjt, un jie woaren finjen. Klopt aun, un junt woat opjemoakt woaren. #Jer 29,13-14; Mrk 11,24; Joh 14,13 8Wiels wäa doa frajcht, kjricht; un wäa doa sieekjt, finjt; un wäa aunklopt, fa däm woat opjemoakt. 9Wudd bie junt wäa sennen, dee sien Sän wudd een Steen jäwen, wan dee am fa Broot froagen wudd? 10Ooda wan dee am no een Fesch fruach, dee am dan eene Schlang jäwen wudd? 11Wan jie dan, soo schlajcht aus jie uk sent, doch weeten june Kjinja goode Gowen to jäwen, wooväl mea woat jun Voda em Himmel, dee goode Dinja jäwen, dee am doano froagen? #Jak 1,17
Eene eefache Grunträajel
(Luk 6,31)
12Un wautemma see junt doonen sellen, daut doot jie an uk. Daut es waut daut Jesaz un de Profeeten lieren. #Mat 22,36-40; Reema 13,8-10; Gal 5,14
Eene Moninj toom Aufschluss
(Luk 13,24)
13Got derch daut enje Puat nenn. Wiels daut Puat es wiet un de Wajch es breet, #7,13 Eenje oole Schreften sajen de Wajch es breet un leicht. dee en daut vedoawen fieet, un väle gonen dän Wajch; #Luk 13,24 14un daut Puat es enj un de Wajch es schmaul, dee toom Läwen fieet, un daut sent mau weinich, dee daut finjen. #Mat 19,24; Apost 14,22
Woarnunk fa faulsche Profeeten
(Luk 6,43-44)
15Seet junt väa fa de faulsche Profeeten, dee en Schopskjleeda no junt komen, oba ennalich sent see rietende Wilw. #Mat 24,4-5.24; 2Kor 11,13-15 16Jie sullen dee aun äare Frucht kjanen. Woaren Wiendruwen vom Hachelstruck ooda Fiejen von Distlen jeplocken? #Gal 5,19-22 17Jrod soo drajcht een gooda Boom goode Frucht un een schlajchta Boom schlajchte Frucht. #Mat 12,33 18Een gooda Boom kaun nich schlajchte Frucht droagen, un een schlajchta Boom kaun nich goode Frucht droagen. 19Jieda Boom dee nich goode Frucht drajcht, woat aufjehakt un em Fia jeschmäten. #Mat 3,10; Joh 15,2.6 20Aun äare Frucht sull jie an kjanen.
Woarnunk jäajen selfstjerajcht sennen
(Luk 6,46-27)
21Dee woaren nich aula en daut Himmelrikj komen, dee to mie: Har, Har! sajen. Doa komen bloos dee nenn, dee doa doonen, waut mien Voda em Himmel haben well. #Reema 2,13; Jak 1,22 22Aun janen Dach woaren väl to mie sajen: Har, Har, hab wie nich en dien Nomen jeprofezeit, un en dien Nomen Soton utjedräwen, un en dien Nomen väl jewaultje Woakjen jedonen? #(22 un 23) Luk 13,25-27; Jer 27,15 23Un dan woa ekj an sajen: Ekj hab junt noch nie jekjant; wajch met junt, jie schlajchte! #Mat 25,12; 2Tim 2,19
Daut Jlikjnis vom kluaken un vom jlikjeltjen Bumeista
(Luk 6,47-49)
24Wäa miene Räd jehieet haft un deit waut ekj jesajcht hab, es soo aus een vestendja Maun, dee sien Hus opp däm Steengrunt bud. 25Un de Räajen foll un daut Wota kjeem un de Wint blosd un schluach jäajen daut Hus, un daut foll doch nich, wiels daut opp däm Steen jebut wia. 26Un wäa miene Räd hieet un nich deit, waut ekj jesajcht hab, es aus een onvestendja Maun, dee sien Hus opp däm Saunt bud. 27Un aus dan de Räajen foll un daut Wota kjeem un de Wint blosd un jäajen daut Hus schluach, foll daut met grootet krachen toop.
De Foljen von de Boajchprädicht
28Un aus Jesus met siene Räden derch wia, staunden de Menschen äwa waut hee lieren deed, #Apost 2,12 29wiels hee lieed soo aus eena, dee met Krauft doarhinja stunt, un nich soo aus de Schreftjelieede. #Joh 7,16.46
Currently Selected:
Matäus 7: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.