Matäus 20

De Oabeida em Wiengoaden

1Met daut Himmelrikj es daut soo aus met een Ieejendeema, dee tiedich zemorjes jinkj Oabeida meeden, en sien Wiengoaden to oabeiden. 2Aus hee sikj met an eenich wort, an een vollet Doagesloon #20,2 Griechisch een Denarius to tolen, schekjt hee an en sienen Wiengoaden. 3Un aus hee Klock näajen rut jinkj, sach hee noch aundre opp däm Moakjtplauz stonen, dee nuscht to doonen hauden, 4un hee säd to an: Got jie uk en mienen Wiengoaden oabeiden, un ekj woa junt jäwen waut rajcht es. Un see jinjen. 5Un aus hee opp Meddach rut jinkj un Klock dree no Meddach wada, muak hee daut jrod soo. 6Bie Klock fief jinkj hee noch eemol, un funk noch emma soone dee sikj romstunden. Un hee säd to an: Wuarom sto jie hia dän dachäwa un doonen nuscht? 7See säden to am: Wiels ons kjeena jemeet haft. Hee säd to an: Dan got jie uk en mien Wiengoaden oabeiden. 8Aus daut ieescht Owent wort, säd de Ieejendeema von dän Wiengoaden to sien Husvoda: Roop de Oabeida un tol an äaren Loon. Fang biem latsten aun, un soo bat du bat däm ieeschten best. 9Dan kjeemen dee, dee Klock fief jemeet wieren, un kjrieejen jieda een vollet Doages Loon. #20,9 Griechisch een Denarius 10Oba aus daut bat de ieeschte kjeem, dochten dee, see wudden mea kjrieen. Oba see kjrieejen uk jieda een vollet Doagesloon. #20,10 Griechisch een Denarius 11Un aus see daut kjrieejen, grunsten see äwa dän Husvoda 12un säden: Dise latste haben mau eene Stund jeoabeit, un du hast an ons jlikj jemoakt, dee wie derch de Doages Hett de Laust jedroacht haben. 13Hee oba säd to eenen von an: Mien Frint, ekj doo die kjeen orrajcht. Worscht du die nich eenich met mie, fa een Doagesloon #20,13 Griechisch een Denarius dän Dach to oabeiden? 14Nemm waut die jehieet un go! Ekj woa de latste soo väl jäwen aus die. 15Doaf ekj, met daut waut mient es, nich doonen waut ekj well? Ooda best du aufjenstich, wiels ekj soo mildjäwrich sie? #Reema 9,16.21 16Soo woaren de latste de ieeschte, un de ieeschte de latste sennen, wiels väle sent beroopen, oba weinje sent utjewält.

Jesus rät toom dredden Mol von sienem Doot

(Mrk 10,32-34; Luk 18,31-34)

17Un aus Jesus opp däm Wajch no Jerusalem wia, neem hee siene 12 Jinja oppoat un säd to an: 18Kjikjt emol, wie gonen nu no Jerusalem, un de Menschensän woat aun de Schreftjelieede un Huagepriestasch utjeleewat woaren, un dee woaren am toom Doot veuadeelen. #Joh 2,13; Mat 16,21; 17,22-23 19Dee woaren am de Nichjuden äwajäwen, daut dee am vespotten, veheiwen un kjriezjen. Un aum dredden Dach woat hee wada oppstonen.

Nich harschen, oba deenen

(Mrk 10,35-45; Luk 22,24-27)

20Dan kjeem de Mutta Zebedäus met äare twee Säns, kjneed ver Jesus un säd, see haud am waut to froagen. #Mat 10,2 21Un Jesus fruach ar, waut see wull. See säd: Saj daut miene beid Säns, eena aun de rajchte Sied un eena aun de linkje Sied, bie die en dien Kjennichrikj setten sellen. #Mat 19,28 22Oba Jesus auntwuad un säd to ar: Jie weeten nich, no waut jie froagen. Kjenn jie daut drinkjen, waut ekj drinkjen mott? See säden to am: Daut kjenn wie. #Mat 26,39 23Hee säd to an: Waut ekj drinkj sell jie drinkjen, un met de Doop, wuamet ekj jedeept sie, woa jie jedeept woaren, oba to bestemmen, wäa aun miene rajchte ooda linkje Sied setten saul, es nich miene Sach. Daut woat fa dee sennen, dee mien Voda doatoo bestemmen woat. #Apost 12,2; Opb 1,9

24Aus de Tieen daut hieeden, wieren see oajalich äwa dee beid Breeda. #(24-28) Luk 22,24-27 25Dan roopt Jesus an no sikj un säd: Jie weeten daut de Leidasch von de Velkja äwa an romkommandieren, un de majchtje eewen Jewault. 26Mank junt oba saul daut nich soo sennen. Wäa mank junt groot sennen well, mott sikj eewen dän näakjsten sien Kjnajcht to sennen; #Mat 23,11; 1Kor 9,19 27wäa bie junt de jratsta sennen well, mott aulemauns Deena sennen. #Mrk 9,35 28Wiels de Menschensän kjeem uk nich sikj bedeenen to loten, oba to deenen un sien Läwen hantojäwen, väle loostokjeepen. #Flp 2,7; 1Pet 1,18-19

Jesus heelt twee Blinje

(Mrk 10,46-52; Luk 18,35-43)

29Aus see von Jericho wajchjinjen, kjeemen am een Schoof Menschen hinjaraun. 30Un doa sauten twee blinje Mana aum Wajch. Aus dee hieeden, daut Jesus doa vebie kjeem, schrieejen dee: Hab Metleet met ons, oo Har, #20,30 Eenje oole Schreften sajen nich Har. du David sien Sän! 31De Menschen beschwichten an un säden see sullen stell sennen. Oba dee schrieejen bloos soo väl dolla: Har, hab Metleet met ons, du David sien Sän! 32Un Jesus stunt stell un roopt an un säd: Waut saul ekj fa junt doonen? 33See säden to am: Har, moak ons de Uagen op. 34Un Jesus strikjt an ut Metlieden äwa de Uagen; un fuaz kunnen see wada seenen, un see jinjen met Jesus met.

Currently Selected:

Matäus 20: PB

Highlight

Copy