Hiob 26
26
Hiob nemt Bildad sien Rot nich aun
1Dan säd Hiob:
2Woo saul dit behelplich sennen,
fa eenem, dee kjeene Krauft haft?
Woo saul dien Rot daut leichta moaken,
wan mie daut aul soo schwoa es?
3Du rätst aus wan du eenem,
dee rajcht nuscht weet, belieescht,
un däm aules unjarechten west.
4Wua hast du aul dise Weisheit häa?
Woo es die daut enjekomen?
5Dee, dee nu em Doodenrikj sent,
zetren met dee toop, waut deep em Wota sent.
6Fa Gott es daut Doodenrikj openboa;
fa am sent de Vestorwne nich toojedakjt. #Psa 139,8; Spr 15,11; Amos 9,2; Opb 9,1
7Hee sat de Stiernwelt han, wua aules ladich es;
un helt de Ieed opp äaren Plauz, onen eenen Foot.
8Hee moakt Wolkjen met sea väl Wota,
un dee hoolen daut un rieten nich twei.
9Hee bedakjt sienen Troon met dikje Wolkjen.
10Hee stalt eene Jrens rom daut Mäa,
doa wua daut Licht bat aum diestren steit.
11De huage Boaj, dee de Stiernwelt opphoolen,
tekjren wan Gott dee schelt.
12Met siene Macht haft hee daut Mäa stell jemoakt,
un hee vestunt daut Ojjeheia doltoschlonen. #Hiob 9,13; Psa 89,11
13Hee pust dän Himmel rein un blenkjrich;
met siene Macht stuak hee de Schlang,
aus dee sikj wajch schlikjt. #Jes 27,1
14Un dit es mau een Beskje von daut waut hee deit;
waut wie venomen haben von sien grootet Woakj,
es aus een Fuschlen em vejlikj met däm Rummel.
Kjeena vesteit aules waut hee kaun un deit.
Currently Selected:
Hiob 26: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
