Jeremia 43
43
Däm Profeet sien Wuat woat wada veacht
1Aus Jeremia derch wia un daut gaunze Volkj aules jesajcht haud waut de Har, dee äa Gott wia, am jesajcht haud, 2kjeemen Asarja, Hoschaja sien Sän, un Johanan, Kareach sien Sän, un aule Leidasch no Jeremia un säden: Du sajchst ons nich de Woarheit. De Har, dee ons Gott es, haft die nich no ons jeschekjt un bestalt, daut wie nich no Ägipten gonen sellen un doa wonen. 3Baruch, Nerija sien Sän, haft die jäajen ons jehizt, soo daut wie woaren en de Chaldäa äare Macht jejäft woaren. Un dan woaren see ons ombrinjen ooda no Babel veschlapen. #Jer 36,32 4Un soo kjeem daut, daut Johanan, Kareach sien Sän, un aul de aunjestalde enne Armee, un uk daut gaunze Volkj sikj nich no daut rechten deeden, waut de Har jesajcht haud, un see bleewen nich en Juda. 5Johanan un de aunjestalde von de Armee neemen dee, dee äwajebläwen wieren von Juda, un dee waut von de Lenda rom Juda trigjekomen wieren un en Juda wonen wullen. 6See neemen de Mana, Frues un Kjinja, de Dajchta vom Kjennich un de äwaje woone Nebusaradan, de väaschta von de Wajchta bie Gedalja jeloten haud, un uk Jeremia däm Profeet, un Baruch, Nerija sien Sän. 7See jehorchten daut nich waut de Har jesajcht haud, un trocken no Ägipten no de Staut Tachpanhes. #2Kjen 25,26; Jer 42,14-17
8Un en Tachpanhes kjrieech Jeremia dise Norecht vom Harn. 9Nemm waut groote Steena un grow dee en de Ieed en, wan see ver däm Kjennich sien Rejierungs Jebied dän Stich moaken. Un doo daut soo, daut de Menschen von Juda daut seenen. 10Un saj fuaz to an: Dit es waut de Har, dee aules rejieet, un Israel äa Gott es, sajcht: Horcht emol häa, ekj woa Nebukadnezar, dee fa mie schauft, komen loten, un sienen Troon, un daut Dak äwa sien Troon, äwa dise Steena saten, dee ekj hia enjegroft hab. #Jer 25,9 11Dee woat komen un Ägipten ennämen un
däm wäm de Schoden traft, woat schmachten,
dee waut faustjenomen woat woaren, woat faust bliewen,
un dee waut daut Schwieet traft, woaren ligjen bliewen. #Jer 15,2
12Un hee woat dän Tempel fa de Ägipta äaren Aufgott dolbrennen un de Jetta wajchfieren. Un hee woat daut Launt utbeizen aus een Hoad de Lies ut sien Rock beizt, un en Fräd un Erfolch wieda gonen. #Jer 46,25 13Hee woat de Steenmols bie Bet Schemesch en Ägipten en Stekja bräakjen, un dän Jetta Tempel en Ägipten dolbrennen.
Currently Selected:
Jeremia 43: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
