Jesaja 4
4
1Dan woaren säwen Wätfrues eenen Maun hinjaraun sennen un sajen:
Wie woaren ons ieejnet Broot äten,
un onse ieejne Kjleeda besorjen,
oba lot ons diene Frues sennen,
daut see ons nich veachten, wiels
wie nich eenen Maun un Kjinja haben.
De Har moakt waut nieet
2Doa woat eene Tiet komen wan de Har daut fresch woat kjienen loten. Daut woat schmock un harlich sennen, un waut von daut Launt kjemt, woat dee, dee en Israel äwajebläwen sent, moaken goot feelen un aunjeseenen sennen. #Jer 33,15 3Un von dee, dee doa dan jebläwen sent en Zion, un waut noch en Jerusalem wonen, woat daut jesajcht sennen, daut see een heiljet Läwen fieren. Dit sent dee, dee oppjeschräwen sent, daut see en Jerusalem wonen kjennen, #2Mo 32,32; Psa 69,29; Jes 6,13; Mal 3,16 4no däm daut de Har daut Kolkj von de Lied von Zion wajchjewoschen haft, un de Blootschult von de Lied en Jerusalem wajch jebrocht haft derch eenen Jeist dee äare Schult bestrofen un utbeizen deit. 5Un de Har woat äwadach eene Ruak Wolkj un de Nacht Licht aus von een Fia moaken, äwa dän Zion Boajch un de Vesaumlunk. Äwa daut, waut doa soo harlich es, woat een Dak sennen #2Mo 13,21 6un woat een Schutz sennen jäajen de heete Sonn äwadach, un eene Krupunja en Owwada un Räajen.
Currently Selected:
Jesaja 4: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
