Jesaja 17
17
Daut Jerecht äwa Damaskus
1Dit es de Norecht fa Damaskus:
Paust emol opp. Damaskus woat nich mea eene Staut sennen.
Daut woat bloos een Klompen vefolne Steena sennen,
2un de Städa runtom woaren opp emma veloten sennen,
soo daut Schop doa ruich grosen woaren,
un kjeena dee veschechren woat.
3De Schutz Wenj en Efraim woaren nich mea stonen,
un Damaskus woat nich mea een Kjennich haben.
Daut waut äwablift von Aram,
woat daut krakjt soo schlajcht haben,
aus daut waut en Israel harlich es,
sajcht de Har, dee aules rejieet. #2Kjen 16,9
4Wan dee Tiet kjemt,
woat daut scheene Israel doljeschloagen sennen,
un waut nu fat es, woat dan denn sennen.
5Daut woat soo häagonen
aus wan de Schniedasch daut Jeträajd schnieden
un de Goawen em Oarm nenn schnieden,
un dan noch nojeläst woat, soo aus em Refaim Tol;
6ooda aus waut aum Boom blift
wan em Hoafst de Oliewenboom jeschloagen woat
un jrod twee ooda dree gaunz bowen,
ooda vea ooda fiew mank daut Loof bliewen
aun eenen grooten Boom.
Soo sajcht de Har, dee en Israel Gott es.
7Wan dee Tiet kjemt, woaren de Menschen no dän hinjaraun sennen, dee an jemoakt haft, un äare Uagen woaren no dän, dee en Israel heilich es, jerecht sennen. 8See woaren sikj nich mea aun de Aultoaren hoolen, dee see selfst jemoakt haben, soo aus daut Aschera Jestal un dän Ruakopfa Aultoa, un nich hinjaraun sennen no daut, waut äare Henj jemoakt haben.
9Wan dee Tiet kjemt woaren äare Städa met huage Mieren soo veloten sennen, soo aus de Hiwita un Amorita äare Städa wieren, ea de Israeliten kjeemen. Daut woat eene Wiltnis sennen.
10Jie haben dän Gott vejäten, dee junt halpt;
jie haben nich aun dän jedocht, dee junt Schutz jeef,
soo aus een groota Boajch daut deit.
Daut es wuarom, wan jie uk scheene Plaunten saten,
un von wiet auf Auflajasch holen, #5Mo 32,15; Jes 65,2-3
11un dee dän selwjen Dach groot kjrieejen aus jie dee plaunten,
un dän selwjen Morjen blieejden aus jie dee seiden,
woaren dee doch, wan jie arnten, nuscht jäwen.
Dän Dach woa jie Wunden un Weedoag haben,
dee kjeena bäta moaken kaun.
12De Opprua von väle Velkja
es soon Opprua aus von een willet Mäa;
daut Jeschrech von groote Lenda
es soo aus daut ruzhen von een grootet Mäa.
13De Lenda schrieen aus een grootet Mäa,
oba hee woat dee schellen,
un dan woaren dee wiet wajchranen;
dee woaren vejoacht sennen aus daut Sprie verem Wint oppe Boaj,
un wirblen aus de Stoff em Owwada.
14Aum Owent es noch groote Forcht,
oba wan daut dach woat, es nuscht mea schlemm.
Soo woat daut met dee gonen, dee ons bestoolen;
soo woat daut fa dee utkomen, dee ons beplindaden. #Jes 37,36
Currently Selected:
Jesaja 17: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
