Jesaja 12
12
Een Dankleet
1Wan dee Tiet kjemt, woa jie sajen:
Ekj dank die Har,
daut wan du uk veläajen met mie wieescht,
hast du diene Wutt doch trigjenomen
un hast mie nu jetreest.
2Nu weet ekj vom freschen:
Gott es dee, wäa mie en aules halpt;
ekj woa mie opp am veloten,
un woa nich Angst haben;
miene Krauft kjemt vom Harn,
vom Harn auleen;
miene Leeda sent fa am,
wiels hee halpt mie en aules. #2Mo 15,2
3Jie woaren Froo sennen
un Wota nämen von de Kjwalen
dee junt toom Heil sent. #Jes 55,1; Sach 13,1
4Un wan dee Dach kjemt, woa jie sajen:
Dankt däm Harn, bät am aun,
lot aundre Velkja weeten, waut hee fa ons jedonen haft
un woo kjeena met am to vejlikjen es. #1Chr 16,8; Psa 105,1
5Sinjt Leeda von däm Harn,
un von woo groosoatich siene Help es;
lot de gaunze Welt dit weeten.
6Dee waut jie en Zion wonen,
freit junt un sajcht lud,
woo groosoatich dee en june Medd es,
dee en Israel heilich es.
Currently Selected:
Jesaja 12: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
