Hosea 11
11
Woo goot Gott Israel es
1Aus Israel een Kjint wia, wia ekj am goot,
un ekj roopt mienen Sän von Ägipten. #2Mo 4,22-23; 5Mo 7,8; Mat 2,15
2Oba soo aus jesajcht woat,
soo väl dolla ekj am roopt,
soo väl dolla dreid hee sikj von mie wajch;
see muaken Opfa fa de Baals,
un Ruakopfa fa de Jetta.
3Ekj lieed Efraim gonen,
un druach am en miene Oarms;
see worden daut nich en,
daut ekj an jesunt muak.
4Ekj trock gaunz natieedlich aun an;
ekj wull an derch Leew jewennen.
Ekj hoof daut Joch opp von unja äa Hauls,
daut see goot äten kunnen.
5Oba nu, motten see trigj no Ägipten gonen,
un Assur saul äa Kjennich sennen,
wiels see nich trigj no mie wellen.
6Doawäajen woat daut Schwieet opp äare Städa komen,
un äare vesechada Puaten woaren nich hoolen.
Daut Schwieet woat an unja nämen,
wiels see äare ieejne Plons nogonen.
7Mien Volkj haft kjeenen aundren Jedanken,
aus von mie wajch to gonen.
Un wan see mie aula tojlikj aunroopten,
woa ekj an nich halpen.
8Woo saul ekj die oppjäwen, Efraim?
Woo woa ekj die äwaleewren kjennen, Israel?
Woo kaun ekj junt soont aundoonen
aus ekj Adma deed?
Woo kaun ekj die vedoawen
soo aus emol Zebojim?
Daut kaun ekj nich von Hoaten doonen;
met aules en mie, sie ekj die goot. #5Mo 29,22; Jer 31,20
9Ekj woa nich mienen Oaja loos loten;
ekj woa Efraim nich vedoawen,
wiels ekj sie Gott un nich Mensch.
Ekj sie de Heilja en june Medd,
un woa nich en Oaja opp junt komen. #Kloag 3,31-36
10De Har woat brellen aus een Leiw,
un dan woaren see am hinjaraun komen;
wan hee brellen woat,
woaren de sienje vom Wasten flautren un komen. #Jer 25,30; Hos 2,1
11See woaren von Ägipten komen
aus veschechada Väajel,
un von Assur, aus Duwen.
Ekj woa an wada en äare Hiesa wonen loten,
sajcht de Har.
Currently Selected:
Hosea 11: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
