Hebräa 5

Christus aus Huagapriesta

1Jieda Huagapriesta, von mank de Menschen jewält, woat aunjestalt, om ver Gott fa de Menschen entostonen un Gowen un Opfa fa äare Sinden to brinjen. 2Hee kaun metfeelen met dee, dee erren un nich bäta weeten, wiels hee daut selfst met Schwakheiten to doonen haft. 3Un wiels dit soo es, mott hee fa siene ieejne Sinden opfren krakjt soo aus fa daut Volkj. #3Mo 9,7 4Kjeena nemt sikj de Iea aus Huagapriesta selfst, hee mott doatoo von Gott aunjestalt sennen, soo aus Aaron wia. #2Mo 28,1 5Soo haft uk Christus sikj nich selfst de Iea jenomen, Huagapriesta to woaren. Gott haft am dee jejäft un jesajcht:

“Du best mien Sän, ekj sie vondoag dien Voda jeworden.” #Psa 2,7

6Un opp eene aundre Städ sajcht hee:

“Du best eewich een Priesta en Melchisedek siene Ordnunk.” #Psa 110,4; Heb 6,20

7Aus Jesus #5,7 Griechisch hee opp de Ieed läwd, haft hee to däm, dee am vom Doot raden kunn, jebät un jeprachat un jeschräajen met Tronen. Un Gott haft daut aunjenomen, wiels hee am en Ieren hilt. #Mat 26,39-46 8Un wan hee uk Sän wia, hee lieed doch derch lieden jehuarsom sennen. #Flp 2,8 9Aus hee dan sienen Oppdrach foadich jemoakt haud, haud hee eene eewje Radunk häajestalt fa aule, dee am jehuarsom sent. 10Un Gott nand am, een Huagapriesta no de Ordnunk von Melchisedek. #Heb 7,1-28

Fausthoolen met jleewen

11Wie haben väl äwa dit to sajen. Oba daut es junt nich soo leicht kloa to moaken, wiels jie soo schwoa lieren. 12Jie sullen nu aul selfst Liera sennen, oba jie brucken daut noch, daut junt wada wäa dän Aunfank von Gott sien räden erkjläat. Junt mott noch Malkj jejäft woaren un noch nich stoakje Kost. #1Kor 3,1-3; 1Pet 2,2 13Wäa noch von Malkj läwen mott, es noch een junget Kjint, un vesteit daut Wuat von de Jerajchtichkjeit noch nich. #Efs 4,14 14Oba stoakje Kost es fa utjewosne Menschen, dee sikj doarenn jeeeft haben, tweschen goot un schlajcht to unjascheeden.

Currently Selected:

Hebräa 5: PB

Highlight

Copy

Compare