Hebräa 11

Krauft derch jleewen

1De Gloowen es de Jewesheit, daut wie daut kjrieen woaren, opp waut wie hopen, un es een nich twiewlen aun daut, waut wie nich seenen. #2Kor 5,7 2Derch disen Gloowen haben de Väavodasch een goodet Zeichnis von Gott jekjräajen. 3Derch dän Gloowen kjenn wie daut weeten, daut Gott de gaunze Welt derch sien Wuat jemoakt haft, soo daut aules waut nu to seenen es, von nuscht jemoakt es. #1Mo 1,1-2.4

4Derch dän Gloowen opfad Abel Gott een bätret Opfa aus Kain. Gott aunerkjand sien Opfa un jeef am daut Tieekjen, daut hee jerajcht wia. Un derch dän Gloowen rät Abel noch, wan hee uk aul doot es. #1Mo 4,3-4 5Derch dän Gloowen wort Henoch vonne Ieed wajch jenomen, daut hee nich dän Doot sach. Un hee wort nich mea jefungen, wiels Gott am wajch jenomen haud. Ea hee wajch jenomen wort, haud hee daut Zeichnis, daut Gott aun am Jefaulen haud. #1Mo 5,24 6Oba onen Gloowen es daut ommäajlich, Gott to jefaulen. Wäa no Gott komen well, mott jleewen, daut hee es, un daut hee dee beloont, dee am iernstlich sieekjen. 7Derch dän Gloowen acht Noah doaropp waut Gott säd, un bud daut Schepp, om siene Famielje to raden. Gott räd to am äwa Sachen, wuavon noch nuscht to seenen wia. Derch dän Gloowen jeef hee de Welt äa Uadeel un oawd de Jerajchtichkjeit, dee derch dän Gloowen kjemt. #1Mo 6,8-9.13-22

8Derch dän Gloowen wia Abraham jehuarsom aus hee jeroopt wort, en een Launt nenn to trakjen, daut hee nohäa oawen sull. Hee trock loos onen to weeten, wua hee han sull. #(8-12) 1Mo 12,1—21,7 9Derch dän Gloowen wond hee aus een framda en daut Launt, daut Gott am vesproaken haud. Hee wond en Zelten soo aus uk Isaak un Jakob, dän daut Oafgoot uk vesproaken wia. 10Hee luad opp eene Staut met fausten Grunt, dee Gott selfst plonen un buen wudd. 11Derch dän Gloowen kjrieech Sara Krauft, Mutta to woaren, aus see uk aul too oolt doatoo wia. See sach dän fa tru aun, dee daut vesproaken haud. 12Doawäajen sent uk von eenen Maun, dee aul soo goot aus doot wia, soo väl jebuaren aus Stierns aum Himmel un Sauntkjieena aum Mäa sent, dee nich to talen sent.

Onse Hopninj opp een Himmel

13Dise sent aula em Gloowen jestorwen un haben nich jekjräajen, waut an vesproaken wia, see haben daut mau von wiet auf komen seenen. See wieren sikj daut oba secha, un freiden sikj un bekjanden, daut see hia oppe Ieed mau framde Derchwaundra wieren. #1Mo 23,4; 47,9; 1Chr 29,15 14Wan see dit soo sajen, jäwen see auntovestonen, daut see een Vodalaunt sieekjen. 15Wan see doabie daut Launt jemeent hauden, wua see rut jetrocken wieren, hauden see Jeläajenheit jehaut, wada trigj to trakjen. 16See hauden oba een velangen no waut bätret, daut es no een himlischet Launt. Doawäajen schämt Gott sikj uk nich, äa Gott to sennen, un hee haft an eene Staut jebut.

17Derch dän Gloowen opfad Abraham dän Isaak, aus hee opp de Proow jestalt wort. Hee, dee de Vespräakjungen jekjräajen haud, wia reed, sienen eensjen Sän to opfren. #1Mo 22,1-19; Jak 2,21 18Doabie wia am jesajcht worden, daut siene Nokomen derch Isaak komen sullen. #1Mo 21,12 19Hee veleet sikj doaropp, daut Gott uk kunn Doodes oppwakjen. Un, biltlich jerät, kjrieech hee Isaak vom Doot trigj.

20Derch dän Gloowen säajend Isaak dän Jakob un Esau un räakjend doamet, daut de Tookunft daut soo brinjen wudd. #(20-22) 1Mo 27,1-40; 48,1-20; 50,24-26 21Derch dän Gloowen säajend Jakob, aus hee aum stoawen wia, Josef siene beid Säns, un bäd Gott aun aus hee sikj opp dän Gonstock länd. #1Mo 47,31 22Derch dän Gloowen räd Josef aus hee storf doavon, daut de Israeliten noch emol wudden ut Ägipten rut trakjen, un säd waut see dan met sienen Kjarpa #11,22 Griechisch siene Knoakes doonen sullen.

23Derch dän Gloowen wort Moses, aus hee jebuaren wort, dree Moonat von siene Elren vestoaken. See sagen, daut hee een schmocket Kjint wia, un see leeten sikj derch dän Kjennich sien Jeboot nich enjsten. #(23-29) 2Mo 2,1-15; 12,21-23; 14,13-31 24Derch dän Gloowen wull Moses, aus hee ieescht oppjewossen wia, nich mea aus een Sän von de ägiptische Kjennichs Dochta jellen. 25Hee wäld sikj, leewa met Gott sien Volkj toop to lieden, aus sikj noch een stootje aun de Sind to erjazen. 26Hee hilt daut lieden fa Christus aus eenen jratren Rikjtum aus aulet ägiptische Goot, wiels hee sach waut de Beloonunk sennen wudd. 27Derch dän Gloowen veleet hee Ägipten un fercht nich dän Oaja vom Kjennich. Hee hilt sikj aun dän, dän hee nich sach, soo aus wan hee am sach. 28Derch dän Gloowen hilt hee daut Passa un daut bestrikjen von de Däaren met Bloot, doamet de Doodesenjel de ieeschtjebuarne en Israel nich ombrocht. 29Derch dän Gloowen jinjen de Israeliten derch daut Roode Mäa aus äwa drieejet Launt, waut de Ägipta uk vesochten, oba vedrunken.

30Derch dän Gloowen foll de Mia om Jericho om, aus see doa säwen Doag romjegonen wieren. #(30 un 31) Jos 2,1-24; 6,1-25 31Derch dän Gloowen wort de Hua Rahab nich met de onjehuarsome toop omjebrocht, wiels see de Spionen frintlich oppjenomen haud. #Jak 2,25

32Un waut sull ekj noch mea sajen? De Tiet wudd mie nich toorieekjen, noch von Gideon un Barak un Simson un Jefta un David un Samuel un de Profeeten to räden. #(32-34) Rech 6,11—8,32; 4,4-24; 13,1—16,31; 11,1—12,7; 1Sam 17,12-54; Dan 6,2-28 33Dee haben derch dän Gloowen Kjennichrikjs enjenomen, Jerajchtichkjeit häajestalt, Vespräakjungen jekjräajen, de Leiws de Frät toojehoolen. 34See haben Fiaflaumen de Hett jenomen, verem Schwieet sikj en Sechaheit jebrocht, biem schwak sennen sent see stoakj jeworden, em Kaumf sent see stoakj jeworden un haben framde Kjrichsarmeeen en de Flucht jejoacht. 35Frues kjrieejen äare Doodes wada, dee stunden opp. Aundre leeten sikj dootkjwälen enne Städ de Frieheit to wälen, daut see toom bätren Läwen oppstonen kunnen. #1Kjen 17,17-24; 2Kjen 4,8-37 36Aundre worden vespott un veheift, faustjenomen un enjestopt. #1Kjen 22,27; Jer 20,1-3; 37,11-16 37Dee worden jesteenicht, tweijesoacht, #11,37 Eenje oole Schreften sajen uk noch vesocht. met däm Schwieet dootjemoakt. Dee jinjen en Schopsfal un Kosenfal rom, an wort aules jenomen, see worden bedrenjt un jekjwält. #2Chr 24,21 38De Welt wia daut nich wieet, daut see dee haud. Oba see sent enne Wiltnis un mank de Boaj romjebiestat un haben en Boajchheelen un Lajcha enne Ieed jeläft.

39Dise aula haben derch äaren Gloowen Gott siene Aunerkjanunk jekjräajen, see haben oba noch nich daut jekjräajen, waut Gott vesproaken haud. #Heb 11,5 40Gott haud fa ons noch waut bätret em verut jeplont, un see sullen nich onen ons to daut volkomne komen.

Currently Selected:

Hebräa 11: PB

Highlight

Copy

Compare