Hebräa 10

Wuaderch Sinden vejäft woaren

1Daut Jesaz es bloos een Schauten von de goode komende Sachen, un es nich daut woarhauftje selfst. Doawäajen kaun daut dee nich volkomen moaken, dee met äare Opfa aule Joa wada ver Gott komen. #Heb 8,5 2Wan daut jegonen haud, daut de Aunbäda derch äa opfren een un fa aulemol von äare Sinden jereinicht wieren, un äa Jewessen an nich mea vekloacht haud, wudden see dan nich met daut opfren oppjehieet haben? 3Derch de Opfa kjrieejen see en Werkjlichkjeit aule Joa fresch äare Sinden väajehoolen. #3Mo 16,34 4Daut es ommäajlich, daut Ossen un Kosenbloot Sinden wajchnämen kaun.

5Doawäajen säd Christus #10,5 Griechisch hee aus hee en dise Welt nenn kjeem:

“Opfa un Gowen wust du nich;

oba du hast mie eenen Kjarpa jejäft. #Psa 40,7-9

6Du wieescht met Brauntopfa un Sindopfa nich tofräd.

7Dan säd ekj: Kjikj emol, ekj sie jekomen, Gott, dienen Wellen to doonen,

soo aus em Buak von mie jeschräwen steit.”

8Ieescht säd hee: “Opfa un Gowen, Brauntopfa un Sindopfa wust du nich”, wan daut Jesaz dee uk velangd. 9Dan säd hee: “Hia sie ekj! Ekj sie jekomen, Gott, dienen Wellen to doonen.” Hee sat daut ieeschte auntsied, om daut tweede opptorechten. 10No disem Wellen sent wie een un fa aulemol jeheilicht derch daut kjarpaliche Opfa von Jesus Christus. #Joh 17,19

11Aule Priesta sent aunjestalt, Dach fa Dach äaren Gottesdeenst to verechten, un emma wada deeselwje Opfa to brinjen, dee doch niemols Sinden wajchnämen kjennen. #2Mo 29,38 12Oba dis Priesta #10,12 Griechisch Oba Christus haft een eensjet Opfa fa de Sind jebrocht, un sett nu fa emma bie Gott siene rajchte Sied. 13Hee wacht nu doaropp, daut Gott am siene Fiend to eene Footbenkj moaken woat. #Psa 110,1 14Hee haft dee, dee jeheilicht woaren, derch een Opfa eewich volkomen jemoakt. 15Dit vesechat ons uk de Heilja Jeist. Daut steit jeschräwen: #Jer 31,33-34

16“Dit es daut Tastament, daut ekj nohäa met an moaken well, sajcht de Har.

Ekj woa an mien Jesaz en daut Hoat jäwen

un en äaren Senn nenn schriewen. #Heb 8,10

17Aun äare Sinden un Ojjerajchtichkjeit

woa ekj nich mea denkjen.”

18Un wua Sinden aul vejäft sent, es kjeen Opfa fa Sinden mea needich. #Heb 8,12

De Hopninj nich oppjäwen

19Doawäajen, leewe Breeda, wie haben nu derch daut Bloot von Jesus de Frieheit jekjräajen, derch dän Väahank en daut Aulaheilichste nenn to gonen. #Mat 27,51; Reema 5,2 20Jesus selfst haft ons derch daut Opfa von sien Kjarpa disen nieen un läwendjen Wajch no Gott han opjemoakt. #Heb 9,8 21Un soo hab wie nu eenen grooten Huagenpriesta äwa Gott sien gaunzet Hus. 22Dan well wie nu met woarhauftich opprechtjen Hoat un fausten Gloowen no Gott gonen, met jereinichte Hoaten un loos von beesen Jewessen, un ons Kjarpa jewoschen met reinet Wota. #Efs 5,26; Heb 4,16; 1Pet 3,21 23Well wie doaraun fausthoolen, de Hopninj to bekjanen, un daut onen to twiewlen, wiels dee, dee daut Vespräakjen jejäft haft, es tru. #Heb 4,14 24Well wie toophoolen un ons unjarenaunda aunspornen, en goode Woakjen, Leew to bewiesen. 25Vonne Vesaumlungen wajch bliewen, soo aus eenje doonen, daut well wie nich, oba väl leewa ons unjarenaunda Moot toospräakjen. Un daut es wichtich, wiels de latsta Dach noda kjemt, soo aus jie seenen kjennen. #Reema 13,11-12; Heb 3,13

Nich sikj wajch dreien von de Woarheit

26Wan wie de Woarheit haben kjanen jelieet, un wie dan doch mootwellens wieda sindjen, dan es doa kjeen Opfa mea fa onse Sind jebläwen. #(26-29) Heb 6,4-8; 4Mo 15,30 27Dan heet daut bloos noch, en Schrakjen opp daut Jerecht to luaren un opp daut frätende Fia, daut Gott siene Fiend ombrinjen woat. 28Wäa Moses sien Jesaz bruak, must onen Metleet stoawen wan twee ooda dree daut bezeijen deeden. #5Mo 17,6 29Waut meen jie, woat dee nich eene väl hoadre Strof vedeent haben, dee opp dän Gottessän met de Feet klunjt, dee daut Tastamentsbloot veacht, wuaderch hee doch jeheilicht wia, un dee äwa dän Jnodenjeist schlajcht räden deit? #Heb 2,3; 12,25 30Wie kjanen je dän, dee jesajcht haft: “Rach eewen es miene Sach, ekj woa trigjtolen”, un uk: “De Har woat sien Volkj rechten.” #5Mo 32,35-36 31Daut es waut schrakjeljet, däm läwendjen Gott en de Henj to faulen. #Heb 12,29

32Denkjt aun de väaje Tieden, en dee jie, aus jie ieescht toom Licht jekomen wieren, eenen grooten Kaumf un väl lieden utjehoolen haben. #Heb 6,4 33Eenjemol sent jie beleidicht un schlajcht behaundelt worden un toom Spikjtoakel jebrukt worden. Daut aundre mol stund jie soonen bie, dee soo behaundelt worden. #1Kor 4,9 34Met faustjenomne Menschen hab jie metjeläden, un daut see junt Hab un Goot wajchneemen hab jie junt met Freiden jefaulen jeloten, wiels jie wisten, daut jie een väl bätret un bliewendet Hab un Goot em Himmel haben. #Mat 6,20; 19,21.29 35Doawäajen, schmiet jun vetruen nich wajch, daut woat junt noch emol rikjlich beloont woaren. 36Jie motten jeduldich doabie bliewen, un soo Gott sien Wellen doonen un daut kjrieen, waut junt vesproaken es. #Luk 21,19; Jak 5,7

37Wiels “dee doa komen saul, woat em korten komen, un woat nich siemen.

38Mien Jerajchta oba woat läwen, wiels hee jleeft.

Wan hee sikj oba trigj trakjt, haft miene Seel kjeen Jefaulen aun am”. #Hab 2,3-4; Reema 1,17

39Wie oba sent nich von dee, dee sikj trigj trakjen un vedaumt woaren, oba von dee, dee doa jleewen un äare Seel raden loten. #1Tess 3,3

Currently Selected:

Hebräa 10: PB

Highlight

Copy

Compare