1. Mose 14
14
Abram rat Loot
1Doa wieren vea Kjennichs, de Kjennich Amrafel en Schinar, de Kjennich Arjoch, en Ellasar, de Kjennich Kedor Laomer, en Elam, un de Kjennich Tidal, en Gojim. #Jos 12,23 2Dee vea Kjennichs muaken eenen Kjrich met Kjennich Bera, en Sodom, Kjennich Birscha, en Gomorra, Kjennich Schinab, en Adma, Kjennich Schemeber, en Zebojim, un de Kjennich von Bela, daut uk Zoar heet. #1Mo 19,24 3Aul dise brochten äare Armeeen toop em Siddim Tol wua daut Solt Mäa nu es. 4Fa twalw Joa hauden see Kedor Laomer jedeent, oba nu en daut 13. Joa stalden see sikj jäajen am opp. 5Dan en sien 14. Joa, jinkj Kedor Laomer toop met de Kjennichs, dee met am eenen Bunt hauden, un neem de Refaita en Aschterot Karnajim en, un dan uk noch de Susita en Ham, de Emita en de Kirjatajim Stapen, #(5 un 6) 1Mo 36,20-30 6un de Horita en de Seir Boaj bat soo wiet aus El Paran aun de Jrens von de Wiltnis. 7Dan oppem Wajch trigj kjeemen see no En Mischpat, daut nu Kadesch heet, un neemen de gaunze Jäajent von de Amalekita en, un uk de Amorita bie Hazezon Tamar.
8Dan stunden de Kjennich en Sodom, de Kjennich en Gomorra, de Kjennich en Adma, de Kjennich Zebojim, un de Kjennich en Bela, daut Zoar es, sikj toop un jinjen em Siddim Tol jäajen 9Kjennich Kedor Laomer von Elam, Kjennich Tidal von Gojim, Kjennich Amrafel von Schinar, un Kjennich Arjoch von Ellasar. Daut wieren vea Kjennichs jäajen fief. 10Nu wieren doa väl Täa Lajcha en daut Siddim Tol, un de Kjennichs von Sodom un Gomorra follen en de Täa Lajcha un kjeemen doa om, un de äwaje randen no de Boaj. 11De vea Kjennichs beplindaden dan Sodom un Gomorra, un neemen aul äa Ätwoa un waut an sest noch wieetvoll wia met. 12Soo wort uk Loot, dee en Sodom wond, un äwa däm Abram de Onkel wia, met sien Hab un Goot veschlapt. #1Mo 13,10-12
13Eena von dee, dee doa haud kunt flichten, kjeem un säd Abram, dän Hebräa, waut doa jeworden wia. Abram wond bie de Ieekjen waut Mamre, dän Amorita jehieeden. Mamre un siene Breeda Eschkol un Aner hauden eenen Bunt met Abram. 14Aus Abram hieed daut sien Brooda sien Sän faustjenomen wia, jeef hee 318 Deena, aules Mana waut en sien Loaga jebuaren wieren, Jereetschoft toom de 4 Kjennichs hinjaraun joagen. Un see juagen dee gaunz bat Dan hinjaraun. #Jos 19,47; Rech 18,29 15Hee deeld siene Mana en Gruppen en, un äwafoll jane enne Nacht un juach an soo wiet aus Hoba no. Hoba es nuaden von Damaskus. 16Hee brocht aul daut Hab un Goot trigj un uk Loot met sien Hab un Goot, un de Frues un aundre Menschen.
Abram un Melchisedek
17Aus Abram dan äwa Kedor Laomer un de Kjennichs jewonnen haud un trigj kjeem, kjeem de Kjennich von Sodom am entjäajen un troff am em Schawe Tol, daut uk daut Kjennichs Tol heet. #(17-19) Heb 7,1-4 18Un Melchisedek, de Kjennich en Salem, brocht Broot un Wien. Hee wia een Priesta fa däm hechsten Gott. #Psa 110,4; 76,3 19Dee säajend Abram un säd: Mucht de hechsta Gott, dee dän Himmel un de Ieed jemoakt haft, die säajnen. 20Wie lowen dän hechsten Gott dee die diene Jäajna en diene Macht jejäft haft. Un Abram jeef dän Kjennich von Salem een Tieendel von aules waut hee met trigj jebrocht haud. #1Mo 28,22; 3Mo 27,30-32 21Un de Kjennich von Sodom säd to Abram: Jeff mie de Menschen, oba behool daut Hab un Goot fa die selfst. 22Oba Abram säd am: Ekj hab ver däm Harn, dän hechsten Gott, dee dän Himmel un de Ieed jemoakt haft, met een Eit vesproaken, 23daut ekj nich woa soo väl aus eenen Twierem ooda eenen Schoobaunt, ooda irjent sestwaut waut dient es, nämen, soo daut du nich sajen woascht: Ekj hab Abram rikj jemoakt. 24Ekj näm nuscht buta waut miene Mana oppjebrukt haben un daut Poat waut Aner, Eschkol un Mamre traft. Lot an äa Poat haben. Daut äwaje kaust aula trigj haben.
Currently Selected:
1. Mose 14: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.