Liera 6
6
1Doa es eene schlemme Sach, dee ekj oppe Ieed nojeseenen hab, un dee traft aule Menschen: 2Gott kaun eenen Mensch rikj moaken, soo daut hee väl ieejent un goot aunjeseenen es, un von aules haft waut am jankat. Doch lat Gott daut nich too, daut hee doa een scheengonen aun haft, oba lat eenen framden dän Jenotten doavon haben. Dit es nich to vestonen; daut es toom veläajen woaren. 3Wan een Mensch 100 Kjinja haft un lang läft, soo daut hee sea oolt woat, oba sikj nich to daut goode freien kaun un nich enne Ieed begroft woat, dan saj ekj: Een Kjint, daut too schwind jebuaren es, un unjajeschoaft woat, haft daut bäta aus jan Mensch.
#
Liera 4,3
4Daut es nich to vestonen, woo daut kjemt,
daut es ons diesta, woo daut vejeit,
wie kjennen nich weeten, waut von daut Kjint haud woaren kunt.
5Daut haft hia kjeen Licht jeseenen,
oppe Ieed haft daut nuscht jewist,
doch kaun daut reiwen,
un daut bäta aus de rikja.
6Uk wan een Mensch 2.000 Joa läwd, oba sikj to nuscht goodet haft freien kunt, komen nich aule no de selwje Städ?
7Aules waut de Mensch schauft, es fa sien Mul,
oba hee velangt emma mea.
#
Liera 1,8
8Waut haft de Weisa aum Enj mea aus de Schosel?
Un waut haft de oama aum Enj mea, wan hee sikj met daut Läwen vestonen lieet?
9Daut waut du ver diene Uagen hast, stalt dolla tofräd,
aus waut du die wenschst.
Dit es uk nich to vestonen; daut es aus wan eena däm Wint jriepen well.
Waut kaun een Mensch weeten?
10Daut waut doa es, haft aul lang eenen Nomen jekjräajen; un daut es aul lang bekaunt, waut daut meent menschlich to sennen. De Mensch doaf sikj nich jäajen däm stalen, dee am äwaläajen es; #Hiob 9,2-4.32 11sooväl mea doa jerät woat, sooväl schlajchta es daut to vestonen. Waut haft de Mensch doavon? 12(Un doawäajen frajcht eena:) Wäa weet, waut fa ons em Läwen goot es? Eena haft mau sooväl Doag, un dee sent nich to vestonen; eena jeit derch daut Läwen aus een Schauten. Un wäa kaun sajen, waut no daut Läwen oppe Ieed kjemt? #1Chr 29,15; Psa 144,4
Currently Selected:
Liera 6: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
