2. Samuel 6
6
De Bundeskjist woat no Jerusalem jebrocht
(1Chr 13,1-14; 15,25-28)
1David vesaumeld nochmol 30.000 utjewälde Mana, von Israel. 2Un David jinkj met dee no Baala en Juda, om Gott siene Kjist von doa to brinjen. Von de Kjist woat jesajcht daut de Har, dee aules rejieet, sienen Troon äwa de Cheruben haft. #2Mo 25,22; Jos 15,9 3Un see druagen Gott siene Kjist opp eenen nieen Woagen, un brochten dee von en Abinadab sien Hus, woont doa oppem Boajch es. Un Usa un Achjo, Abinadab siene Säns leiden dän nieen Woagen #1Sam 7,1 4met Gott siene Kjist. Achjo jinkj veropp un Usa biesied, 5un David un aule Israeliten spälden Instrumenten un sungen soo sea aus see kunnen om dän Harn to preisen. Un see spälden opp Zitta, Hoapen, Zimbeln un veschiedne Drommeln. 6Aus see dan oba bat Nachon siene Draschflua wieren, vestaupten sikj de Ossen, waut ver däm Woagen jespaunt wieren. Un Usa strakjt siene Haunt ut no Gott siene Kjist om dee to hoolen. 7Un däm Harn sien Oaja wia jereizt jäajen Usa, un Gott muak am doa doot wiels hee siene Haunt no de Kjist jestrakjt haud. Usa storf doa biesied Gott siene Kjist. #4Mo 4,15; 1Sam 6,19 8Un David wia vestemt daut de Har daut soo met Usa jemoakt haud. See nanden de Städ dan “Perez Usa”, soo aus dee uk vondoag heet. 9Un David enjst sikj dän Dach ver däm Harn, un hee säd: Woo kaun ekj däm Harn siene Kjist no mie nämen? 10Un David wull däm Harn siene Kjist nich no de Davidstaut nämen, oba leet dee doa tosied nämen no daut Hus von Obed Edom, dee een Gatita wia. 11Fa dree Moonat bleef däm Harn siene Kjist en daut Hus von Obed Edom, dän Gatita, un de Har säajend Obed Edom un siene Famielje.
12Dan säden see to Kjennich David: Gott haft Obed Edom un siene gaunze Famielje jesäajent wiels Gott siene Kjist doa es. Dan jinkj David un brocht met freiden Gott siene Kjist von Obed Edom sien Hus no de Davidstaut. 13Un aus dee, dee däm Harn siene Kjist druagen, sas Schräd jegonen wieren, opfad David eenen Oss un een Mastkaulf. #1Kjen 8,5 14Un David daunzt ver däm Harn soo sea aus hee kunn. David haud een lienzeichnen Efod aun. #2Mo 28,6; 1Sam 2,18; 1Sam 22,18 15Soo brochten David un aule Israeliten däm Harn siene Kjist. See schrieejen fa Freid un blosden met de Posaunen. #1Chr 15,29—16,3
16Aus see met däm Harn siene Kjist en de Davidstaut nenn kjeemen, kjikjt Michal, Saul siene Dochta, utem Fensta un sach Kjennich David ver däm Harn hupsen un daunzen. Un see veacht am doawäajen.
17See brochten dan däm Harn siene Kjist un saden dee opp äare Städ en daut Zelt, woont David doatoo oppjestalt haud. Dan opfad David Brauntopfa un Dankopfa ver däm Harn. 18Un aus David met daut Brauntopfa un Dankopfa foadich wia, jeef hee eenen Säajen opp daut Volkj en däm Nomen von däm Harn, dee aules rejieet. 19Un hee jeef jieda Persoon von gaunz Israel, Mana uk Frues, jieda een Stekj Broot, een Stekj Fleesch, un een Stekj jepraste Rasienen. Dan jinjen aule Lied doavon, een jiedra no sien Hus.
20Un David jinkj no Hus un bejreest siene Menschen. Oba Michal, Saul siene Dochta, jinkj rut no David un säd to am: De Kjennich von Israel haft sikj vondoag oba eenen gooden Nomen jemoakt, soo aus hee sikj aufdakjen deed ver siene Mana äare Deenarinnen. Soo dakjen sikj mau onveninftje Menschen auf. 21Un David säd to Michal: Waut ekj deed, deed ekj ver däm Harn, dee mie wäld äwa dienen Voda un siene Nokomen, daut ekj sull de Leida äwa Israel, däm Harn sien Volkj, sennen. Un ekj woa noch wieda ver däm Harn daunzen om am to ieren. #2Sam 5,2 22Un ekj well noch weinja jeieet woaren aus nu un mie selfst veachten. Un ekj woa von die veacht woaren; un von de Mejales, von woone du rädsd, woa ekj jeieet woaren. 23Michal, Saul siene Dochta, haud kjeene Kjinja bat see storf.
Currently Selected:
2. Samuel 6: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Samuel 6
6
De Bundeskjist woat no Jerusalem jebrocht
(1Chr 13,1-14; 15,25-28)
1David vesaumeld nochmol 30.000 utjewälde Mana, von Israel. 2Un David jinkj met dee no Baala en Juda, om Gott siene Kjist von doa to brinjen. Von de Kjist woat jesajcht daut de Har, dee aules rejieet, sienen Troon äwa de Cheruben haft. #2Mo 25,22; Jos 15,9 3Un see druagen Gott siene Kjist opp eenen nieen Woagen, un brochten dee von en Abinadab sien Hus, woont doa oppem Boajch es. Un Usa un Achjo, Abinadab siene Säns leiden dän nieen Woagen #1Sam 7,1 4met Gott siene Kjist. Achjo jinkj veropp un Usa biesied, 5un David un aule Israeliten spälden Instrumenten un sungen soo sea aus see kunnen om dän Harn to preisen. Un see spälden opp Zitta, Hoapen, Zimbeln un veschiedne Drommeln. 6Aus see dan oba bat Nachon siene Draschflua wieren, vestaupten sikj de Ossen, waut ver däm Woagen jespaunt wieren. Un Usa strakjt siene Haunt ut no Gott siene Kjist om dee to hoolen. 7Un däm Harn sien Oaja wia jereizt jäajen Usa, un Gott muak am doa doot wiels hee siene Haunt no de Kjist jestrakjt haud. Usa storf doa biesied Gott siene Kjist. #4Mo 4,15; 1Sam 6,19 8Un David wia vestemt daut de Har daut soo met Usa jemoakt haud. See nanden de Städ dan “Perez Usa”, soo aus dee uk vondoag heet. 9Un David enjst sikj dän Dach ver däm Harn, un hee säd: Woo kaun ekj däm Harn siene Kjist no mie nämen? 10Un David wull däm Harn siene Kjist nich no de Davidstaut nämen, oba leet dee doa tosied nämen no daut Hus von Obed Edom, dee een Gatita wia. 11Fa dree Moonat bleef däm Harn siene Kjist en daut Hus von Obed Edom, dän Gatita, un de Har säajend Obed Edom un siene Famielje.
12Dan säden see to Kjennich David: Gott haft Obed Edom un siene gaunze Famielje jesäajent wiels Gott siene Kjist doa es. Dan jinkj David un brocht met freiden Gott siene Kjist von Obed Edom sien Hus no de Davidstaut. 13Un aus dee, dee däm Harn siene Kjist druagen, sas Schräd jegonen wieren, opfad David eenen Oss un een Mastkaulf. #1Kjen 8,5 14Un David daunzt ver däm Harn soo sea aus hee kunn. David haud een lienzeichnen Efod aun. #2Mo 28,6; 1Sam 2,18; 1Sam 22,18 15Soo brochten David un aule Israeliten däm Harn siene Kjist. See schrieejen fa Freid un blosden met de Posaunen. #1Chr 15,29—16,3
16Aus see met däm Harn siene Kjist en de Davidstaut nenn kjeemen, kjikjt Michal, Saul siene Dochta, utem Fensta un sach Kjennich David ver däm Harn hupsen un daunzen. Un see veacht am doawäajen.
17See brochten dan däm Harn siene Kjist un saden dee opp äare Städ en daut Zelt, woont David doatoo oppjestalt haud. Dan opfad David Brauntopfa un Dankopfa ver däm Harn. 18Un aus David met daut Brauntopfa un Dankopfa foadich wia, jeef hee eenen Säajen opp daut Volkj en däm Nomen von däm Harn, dee aules rejieet. 19Un hee jeef jieda Persoon von gaunz Israel, Mana uk Frues, jieda een Stekj Broot, een Stekj Fleesch, un een Stekj jepraste Rasienen. Dan jinjen aule Lied doavon, een jiedra no sien Hus.
20Un David jinkj no Hus un bejreest siene Menschen. Oba Michal, Saul siene Dochta, jinkj rut no David un säd to am: De Kjennich von Israel haft sikj vondoag oba eenen gooden Nomen jemoakt, soo aus hee sikj aufdakjen deed ver siene Mana äare Deenarinnen. Soo dakjen sikj mau onveninftje Menschen auf. 21Un David säd to Michal: Waut ekj deed, deed ekj ver däm Harn, dee mie wäld äwa dienen Voda un siene Nokomen, daut ekj sull de Leida äwa Israel, däm Harn sien Volkj, sennen. Un ekj woa noch wieda ver däm Harn daunzen om am to ieren. #2Sam 5,2 22Un ekj well noch weinja jeieet woaren aus nu un mie selfst veachten. Un ekj woa von die veacht woaren; un von de Mejales, von woone du rädsd, woa ekj jeieet woaren. 23Michal, Saul siene Dochta, haud kjeene Kjinja bat see storf.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.