2. Kjennichs 24

1Un en dee Tiet aus Jojakim Kjennich wia, kjeem Kjennich Nebukadnezar von Babel no am, un Jojakim must fa dree Joa Nebukadnezar deenen. Dan säd hee sikj loos von am. #(1-4) Jer 22,13-19 2Un de Har leet Reiba Baunden von Chaldäa, Aram, Moab un Amon äwa Juda komen, daut see venicht worden. Dit wort soo aus de Har derch siene Profeeten, dee am deenden, haud weeten loten. #Jer 20,4-6 3Jeedenfauls, krakjt soo aus de Har jesajcht haud, leet hee dit äwa Juda komen, daut hee an wäajen de Sinden, waut Manasse jedonen haud, von ver sikj utroden kunn. #2Kjen 21,10-16; 23,26-27 4Un hee deed daut uk wäajen de oschuldje Menschen, dee Manasse aulawäajen en Jerusalem omjebrocht haud. Daut wull de Har am nich vejäwen. 5Daut äwaje von de Jeschicht von Jojakim un aules waut hee deed, es en daut Buak von de Jeschicht von de Kjennichs en Juda jeschräwen. 6Un Jojakim storf un sien Sän Jojachin wort Kjennich no am.

7De ägiptischa Kjennich bleef gaunz en sien Launt, wiels de Kjennich von Babel haud am aules, waut hee von däm Ägiptischen Riefa bat am Eufrat Riefa jehaut haud, wajchjenomen.

De Kjennich Jojachin; Jerusalem woat enjenomen

(2Chr 36,9-13; Jer 52,1-3)

8Jojachin wia 18 Joa oolt aus hee Kjennich wort, un hee wia fa dree Moonat de Kjennich en Jerusalem. Siene Mutta wia Nehuschta, Elnatan von Jerusalem siene Dochta. #(8-16) Jer 22,24-30 9Un hee deed waut däm Harn schlajcht jefoll, soo aus sien Voda jedonen haud. #2Kjen 23,37

10Un en Jojachin siene Tiet kjeem de Armee von däm babelonischen Kjennich Nebukadnezar bat Jerusalem un sad sikj runtom de Staut. 11Un aus siene Armee rom Jerusalem wia, kjeem Nebukadnezar selfst no Jerusalem. 12Un Jojachin, de Kjennich von Juda, jeef sikj opp, met siene Mutta un siene Deena, siene Leida un aunjestalde. De Kjennich von Babel neem an aula faust, aus hee en sien achtet Joa aus Kjennich wia. 13Hee neem uk aules, waut wieetvoll wia, von en däm Harn sien Hus un von en däm Kjennich sien Hus. Hee schluach uk aul de goldne Dinja twei, woone Salomo, de Kjennich von Israel haud fa dän Harn sien Tempel jemoakt. Dit wia krakjt soo aus de Har daut jesajcht haud. #2Kjen 20,17 14Hee schlapt soo to sajen daut gaunze Jerusalem wajch, met aule Leidasch, un aul de aunjestalde un de Armee. Daut wieren 10.000 Menschen, dee hee faust neem un veschlapt. Hee neem aule bu Oabeida un aule Schmets un leet kjeenem äwa, buta de oamste Menschen. #Jer 24,1 15Nebukadnezar neem Jojachin no Babel met siene Mutta un siene Frues un siene aunjestalde, un de Leidasch en daut Launt. Hee neem dee aus Jefangne no Babel. #Jer 22,26 16Un de Kjennich von Babel neem aule baste Mana, bie 7.000, met sikj no Babel, un 1.000 utjelieede Oabeida un Schmets. Daut wieren aules Mana, dee jesunt un stoakj jenuach wieren toom en de Armee deenen. 17Un de Kjennich von Babel stald Matanja, dee een Onkel äwa Jojachin wia, aun aus Kjennich en Jojachin siene Städ. Un hee jeef am dän Nomen Zedekia.

18Zedekia wia 21 Joa oolt aus hee Kjennich wort. Un hee wia alw Joa Kjennich en Jerusalem. Siene Mutta wia Hamutal, Jirmeja von Libna siene Dochta. 19Un hee deed waut däm Harn schlajcht jefoll, soo aus Jojakim jedonen haud. #2Kjen 23,37

Jerusalem woat wada venicht

(2Chr 36,17-21; Jer 39,1-10; 52,4-27)

20Un Zedekia stald sikj jäajen dän Kjennich von Babel opp. Un däm Harn sien Oaja wort soo groot, daut hee Jerusalem un Juda von ver sikj veschmeet. #2Kjen 23,27

Currently Selected:

2. Kjennichs 24: PB

Highlight

Compare

Copy