Jer 47
47
Tqanil kyi'j pilistey
1A tyol Qman Dyos ja'lu tzaj tma'n te Jeremiy t-sanjelal kyi'j pilistey, na'mtoq tq'ojin paraon ti'j Kasa:
2Inxi' nma'ne' lu, ayine' Dyos Manb'aj:
Che ulju' ajq'oj toj tb'a'nq'ob'kya'j
naku'j nin a' nxi'x qomtz'aj;
inkyaj tmqu'n tx'otx' ex tkyaqilju' ati twitz,
e'nimaqtnam exqe' najlqe' kyoj.
Nche ẍch'in kykyaqilju' najlqe' toju' tx'otx',
inxi'x che oq' xjal tu'n k'ixk'oj.
3Aj t-xikyb'i'n nxi'x q'ajti kyqan chej ojqel kytzaj,
e' kyq'ojq'ojel karwaj
tululun kyb'ajtzaj,
che b'elnumju' manb'aj
ex che kjel kykolb'e'n kyk'wal.
4Qu'n mapon q'ij tu'n kykub'najset pilistey,
tu'n kyel iq'etju' tnam Tiro ex Sidon kye
ju' ate'x onilkye, chi Dyos.
Che b'elt-xitu'n te Qman Dyos pilistey,
ju' tzajniqe' toju' swejtx'otx' Kreta toj ninnjab'.
5Kb'je'lel kyjon aj Kasa kywi',
che kjel aj Askalon me.
Aye'ye' jte'tl mankb'il ojtxi' xjal nimaq kywe',
¿jtojxi'xwitlo tu'n tajb'en ch'inkye' job'l kyu'n ti'j kyxmilale'
te yek'b'il k'ixk'oj?
6¡Tk'uẍtx'e'nb'il Qman Dyos!
¿Jtojtzun qjena?
¡Kutanj ti'ja toju' tjaya,
qeku'ya, numeku'ya!
7¿Se'n taq'wi ajtkub' nume
extzun matchaq' Qman Dyos te,
matoqxena Qman Dyos te
tu'n tq'ojin ti'j Askalon ex kyi'j kykyaqilju' toj mlaj?
Currently Selected:
Jer 47: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999