MIKEAS 2
2
Zapaltzaileen aurka
1Zoritxarrekoak
egintza gaiztoak asmatzen
gaua eman,
eta, ahalmena dutenez gero,
eguna argitzeaz batera,
burutzen dituztenak!#Zoritxarrekoak Hab 2,6+. egintza gaiztoak asmatu Sal 36,5; Es 6,18.
2Lurrak gutiziatzen dituztela?
Lapurtu egiten dituzte.
Etxeak irrikatzen dituztela?
Hartu egiten dituzte.
Indarrez hartzen dute nagusia,
bere familia eta etxaldearekin.#ahaltsuen gutizia 1 Erg 21; Is 5,8; Am 3,10; 8,4-6. Ik. Ir 20,17.
3Horregatik, honela dio Jaunak:
«Hara, zorigaitza darabilt gogoan
jende horren kontra;
ezin izango dute handik lepoa atera,
ezta burua tente ibili ere,
zorigaitz-egunak izango baitira».#zorigaitz-egunak Ez 7,5-6; Am 5,13.
4Egun hartan,
bertsoak aterako dizkizuete,
eta eresi hau kantatuko:
«Zeharo larruturik gaude!
Jaunaren herriaren ondarea
arrotzen eskuetara joan da;
nolatan kendu diote gero?
Sinesgabeen artean
banatzen dituzte gure soroak».#bertsoak atera Hab 2,6+.
5Jaunaren batzarrean herri-ondarea
berriro banatzerakoan,
ez du zuetariko inork
parterik izanen.
Jendea profetaren aurka
6Jendeak esaten dit:
«Utzi hitzaldi txoro horiek,
ez horrelako hitzaldirik;
zoritxarrak ez gaitu joko.#ez horrelako hitzaldirik 2,11; Is 30,10; Jr 11,21; Am 7,16.
7Madarikatua ote Israel herria?
Bukatu ote da, bada,
Jaunaren eroapena?
Hori ote haren jokaera?
Ez al dio onginahiz hitz egiten#2,7 7-8 tx.ak oso ilunak dira hebreerazkoan. Madarikatua… herria? Testu zuzendua; hebreerazkoak hau dio: Esanda ote dago, Jakoben herri? Ez al dio onginahiz hitz egiten: Hebreerazkoak hau dio: Ez al dira onginahizkoak nire hitzak.
zuzen dabilenari?»
8Baina Jaunak honela dio:
«Lehen nire herria
etsaiaren aurka jaiki ohi zen;
orain, soingainekoa kentzen diezue,
gerratik itzultzean,
lasai igarotzen direnei.#soingainekoa kendu Dt 24,10-13.
9Zapuztu egiten dituzue
nire herriko emakumeak,
eta bota
hain maite dituzten etxeetatik.
Hauen haurrei
betiko kentzen diezue
eman diedan ohorea#2,9 eman diedan ohorea: Israelen libre izateko ohorea eta oinordekotzarako eskubidea (ik. 2 Erg 4,1)..#emakumeak, haurrak 2 Erg 4,1.
10Alde, zoazte toki honetatik,
ez baituzue hemen
atsedenik izango!
Kutsatu egin duzuenez#2,10 Bekatuak kutsatu duen lurraldeak bertako biztanleak okaztatzen ditu (ik. Lb 18,25-28; 20,22).,
izugarrizko hondamendiak joko du.
11Eman dezagun,
“Ardoa eta pattarra
ugari emango dizut”
esaka ari dela norbait;
horrelako mezu hutsal
eta gezurrezkoa lekarkeena
izango litzateke
herri honek merezi duen profeta!#gezurrezko profeta Jr 5,31+.
Jaunak Israel berriro bildu
12«Oso-osorik bilduko zaitut,
Jakoben herri;
batu egingo ditut, Israel,
zure baitan bizirik geldituak.
Ardiak eskortan bezala,
artaldea barrutian bezala,
batuko zaituztet,
eta berriro entzungo da
jendearen zarata-hotsa#2,12 Tx.aren azken zatiaren itzulpena ez da segurua.».#bilduko zaitut 4,6-7; Is 11,12; Jr 23,3+. bizirik geldituak 5,6-7; 7,18; Is 4,3+.
13Jauna joango zaie aurretik
bidea irekiz;
indarrez bidea ireki,
hiriko ateetatik igaro
eta libre aterako dira.
Jaunak, beren erregeak,
gidatuko ditu.#Jaunak bidea ireki eta atera Is 45,1-2; 52,12; 62,10. Ik. Jn 10,3-4.
Currently Selected:
MIKEAS 2: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso